Зимбовска и Герасимовски единствени кандидати за претседател на Апелацискиот суд Скопје
FinPortal.mk · 30.9.2026 г.
Судскиот совет на денешната седница ги усвои извештаите на Комисијата за проверка на навременоста на пријавите и комплетноста на документацијата по објавените огласи за избор на претседател на Апелацискиот суд Скопје и на Основниот суд Струга, при што беше констатирано дека сите тројца пријавени кандидати ги исполнуваат условите за учество во понатамошната постапка. За претседател на Апелацискиот суд Скопје се пријавиле судиите Зоран Герасимовски и Лидија Зимбовска, додека за претседател на Основниот суд Струга единствен кандидат е Танче Петревски. По разгледувањето на доставената документација, Судскиот совет утврди дека пријавите се навремени и комплетни, по што ги усвои извештаите на надлежната комисија и одлучи постапката за избор да продолжи во следната фаза. На истата седница Советот го усвои и извештајот од извршената работна посета на Основниот кривичен суд Скопје. Претходно, на денешната седница, Судскиот совет избра претседатели на основните судови во Гостивар, Дебар и Свети Николе, со што се заокружија неколку кадровски одлуки во судската мрежа. За претседател на Основниот суд Гостивар е избран досегашниот в.д. претседател Мирослав Петровски, кој беше еден од двајцата кандидати со уредна и комплетна документација. Во постапката учествувала и Елејса Алији, но на седницата беше посочено дека на 13 јуни 2026 година била усвоена одлука за исполнување услови за старосна пензија. Кандидатката Драгослава Веселиновска не ја комплетирала документацијата, бидејќи не доставила акциски план за спроведување на програмата за работа. За претседател на Основниот суд Дебар е избран Оруч Абазовски. Во постапката учествувал и Мерсим Марку, но Судскиот совет констатира дека не ги исполнува условите за избор, бидејќи двапати претходно бил избран за претседател на Основниот суд Дебар. За претседател на Основниот суд Свети Николе е избрана Валентина Буровска, која била единствен кандидат во постапката. Судскиот совет ги усвои и тримесечните извештаи за работата на судовите во п