Жерновски: Фон дер Лајен ги демантираше тврдењата на Мицкоски за загрозен идентитет, Владата намерно разгорува тензии пред средбата со Бугарија (mux3ws1g)
Автор: Редакција на FinPortal.mk ·
Членот на Извршниот одбор на СДСМ, Андреј Жерновски, на прес-конференција го обвини премиерот Христијан Мицкоски и неговата Влада дека пред најавената средба со Бугарија создаваат атмосфера која може да ги отежни разговорите и повторно ја ставаат историјата во центарот на политичките пораки. Според Жерновски, неодамнешните изјави на претседателката на Европската комисија, Урсула фон дер Лајен, дадени во Скопје, всушност ги побиле тврдењата на Мицкоски дека македонскиот идентитет и јазик биле загрозени. Жерновски потсети дека, според изјавите на Фон дер Лајен, македонскиот јазик, култура и идентитет се зачувани, и оцени дека сега на дневен ред се реформите, соработката со Европското обвинителство и уставните измени. Тој ги отфрли тврдењата за нова преговарачка рамка или дополнителни гаранции во процесот на европската интеграција, како и најавите за поинаков пристап кон Преспанскиот договор и уставното име. Во продолжение, Жерновски ја критикуваше политиката на Владата кон Бугарија, оценувајќи дека пред средбата со источниот сосед се создава атмосфера што може да доведе до нејзино неуспешно одржување или отежнување на разговорите. „Ќе нè тера да гледаме назад, не да гледаме напред. Ќе нè тера да зборуваме за минатото, а не да зборуваме за иднината“, рече Жерновски, според кого политичарите не треба да ја толкуваат историјата. Тој нагласи дека СДСМ не ја оспорува историјата, но смета дека со неа треба да се занимаваат историчарите, а не политичарите. Според него, токму враќањето на историските теми во политичкиот дискурс пред важниот состанок со Бугарија е показател дека Владата намерно разгорува тензии наместо да работи на отворање на перспективата за напредок. Жерновски истакна и дека добрососедските односи се важен дел од процесот на европска интеграција и го критикуваше пристапот „разговараме, не преговараме“, кој, како што рече, го застапува премиерот. Според него, повторното отворање на темите поврзани со Бугарија може да послужи како оправдување за отсуството на