Волво ги намалува работните места по падот на продажбата во Кина — акциите паднаа за 28 отсто

Шведскиот производител на автомобили Волво објави дека планира да укине 2.500 работни места, откако тешкиот пад на пазарот во Кина негативно се одрази врз резултатите во третиот квартал. Компанијата соопшти дека во третиот квартал забележала оперативна загуба од 5,6 милијарди шведски круни, што е еквивалент на 563,7 милиони долари, по оперативниот профит од 6,4 милијарди шведски круни во претходниот период.

Од Волво како причина за влошените резултати ги наведоа „потешките“ пазарни услови во Кина и во САД, кои „негативно влијаеа врз слободниот паричен тек“. Компанијата посочи и влошена состојба на пазарот како дополнителен фактор за слабите квартални резултати.

Реакцијата на инвеститорите беше остра. Акциите на Волво паднаа за повеќе од 28 отсто веднаш по отворањето на европскиот пазар, што ја одразува загриженоста на пазарот поради најавеното намалување на работните места и загубата во кварталот.

Ова е вест во развој и информациите допрва ќе се надополнуваат.