ВМРО-ДПМНЕ: Македонија со најниски цени на горивата во регионот, мерките на Владата даваат резултати
FinPortal.mk · 22.9.2026 г.
Владата предводена од ВМРО-ДПМНЕ, преку мерките што ги презема во услови на енергетска криза, постигнува резултати и Македонија и натаму има ниски малопродажни цени на горивата во споредба со земјите од регионот, оценуваат од партијата во соопштение до јавноста. Според податоците што ги објави ВМРО-ДПМНЕ, актуелната цена на бензинот БС-95 во Македонија изнесува 99 денари за литар, додека дизелот се продава по 104,5 денари за литар. Овие цени се утврдени со најновата одлука на Регулаторната комисија за енергетика, која е во сила од 22 септември 2026 година. Во споредбата што ја објави партијата, бензинот во Грција се посочува како околу 30 проценти поскап и изнесува 129 денари за литар. Во Албанија истиот вид гориво чини 126 денари за литар, додека во Србија цената изнесува 108 денари. Во Хрватска бензинот се продава по 107 денари за литар, во Црна Гора и Словенија по 106 денари, додека во Босна и Херцеговина цената е 104 денари за литар. Од партијата ги споредуваат и цените на дизелот, па според нивните податоци, во Албанија литар дизел чини 147 денари, во Грција 126 денари, а во Србија 124 денари. Во Словенија цената на дизелот изнесува 122 денари за литар, во Хрватска 119 денари, во Црна Гора 117 денари, а во Босна и Херцеговина 116 денари за литар. ВМРО-ДПМНЕ наведува дека разликите во цените значат помал трошок за полнење на резервоарите на возилата и поголем простор во семејните буџети на граѓаните. Како дел од мерките што ги презема Владата, од партијата ги издвојуваат намалувањето на данокот на додадена вредност и акцизите, за кои оценуваат дека придонесуваат за одржување на цените на горивата под контрола. Според партијата, токму ваквите мерки овозможуваат Македонија да остане меѓу земјите со најпристапни цени на горивата во поширокиот регион, дури и во период кога енергетскиот пазар е под притисок. „Мерките коишто ги презема Владата предводена од ВМРО-ДПМНЕ за време на енергетската криза даваат резултати“, наведуваат од партијата, додавајќи дека Владата се