Владата со втор ребаланс ги намалува приходите и расходите за по 86 милиони евра, дефицитот останува 4,1 отсто од БДП
Автор: Редакција на FinPortal.mk ·
Владата на Република Македонија го предложи вториот ребаланс на Буџетот за 2026 година, со кој вкупните приходи и расходи се намалуваат за по 86 милиони евра, односно за околу 5,3 милијарди денари. Според предлогот што ќе го разгледува Собранието, вкупните трошења од државната каса се планираат на ниво од околу 6,8 милијарди евра, додека вкупните приходи се проектирани на 6,1 милијарда евра. Буџетскиот дефицит останува непроменет и изнесува 752,8 милиони евра, што претставува 4,1 отсто од бруто домашниот производ. Министерката за финансии Гордана Димитриеска Кочоска на прес-конференција во Владата изјави дека вториот ребаланс не е резултат на проблеми со ликвидноста на Буџетот, туку претставува одговор на променетите економски услови. Таа нагласи дека остануваат непроменети приоритетите — заштита на граѓаните, исполнување на законските обврски, одржување на економската активност и фискална дисциплина. Според неа, ребалансот не е чекор назад, туку прилагодување на актуелните пазарни околности. Вкупните приходи со овие измени се планирани на ниво од 374,2 милијарди денари, што е за околу 5,3 милијарди денари помалку во однос на претходните проекции. Министерката објасни дека ова намалување во најголем дел е резултат на променетите услови на пазарот на енергенси и мерките што ги презема Владата за заштита на граѓаните и економијата. Истовремено, таа посочи дека остварувањето на приходите во текот на годината покажува позитивна динамика. Кај даночните приходи е направена умерена корекција од 213,3 милијарди денари на 209,8 милијарди денари, што претставува намалување од 1,6 отсто. Најголемиот дел од оваа корекција се однесува на акцизите, кои се ревидираат од 34,1 милијарда денари на 30,4 милијарди денари. Како причина за намалувањето на акцизните приходи министерката ги наведе променетите пазарни услови на енергенсите. Најголеми кратења на расходната страна се предвидени во Министерството за животна средина, Министерството за енергетика, Министерството за финансии, как