Владата подготвува нов ребаланс: приходите и расходите се намалуваат, „кусокот“ до 130 милиони евра
FinPortal.mk · 5.10.2026 г.
Новиот ребаланс на Буџетот, втор за годинава, ќе биде завршен до крајот на овој месец, најави премиерот Христијан Мицкоски. Според неговите изјави, и приходите и расходите во државната каса ќе бидат пониски од постојните проекции, поради што „кусокот“ во буџетот ќе биде поголем од претходно најавениот. Премиерот Мицкоски, одговарајќи на новинарски прашања за време на неговата посета на Теарце, изјави дека на приходната страна се очекуваат 7 до 8 милијарди денари помалку, што според него изнесува меѓу 118 и 130 милиони евра. „Се намалуваат и расходите и приходите бидејќи кај приходната страна имаме помалку 7-8 милијарди денари. Тоа е резултат на намалените акцизи, односно намалените приходи од акцизите и намалените приходи од намаленото ДДВ“, рече Мицкоски. Тој потврди дека за да се избалансираат јавните финансии ќе се пристапи кон ребаланс на Буџетот, за кој очекува процедурата да биде завршена во текот на овој месец. „За да се избалансираат сите овие работи, ќе правиме ребаланс, очекувам во текот на овој месец да биде завршена процедурата“, додаде премиерот. Мицкоски не прецизираше каде најмногу ќе се кратат расходите, односно кои буџетски корисници ќе добијат помалку средства. Сепак, тој нагласи дека приоритет за Владата е стандардот на граѓаните, што според него укажува дека нема да се чепка во платите. Премиерот посочи дека остануваме држава со најниска цена на дизел горивото и на безоловниот бензин. „Од 25 до 50 центи сме поевтини од сите во регионот, така што тоа е наша цел“, рече Мицкоски, додавајќи дека очекува дека денеска ќе има повторно намалување на цената на безоловните горива и на дизелот. „Остануваме држава со најниски цени кога станува збор за дизел горивото и безоловниот бензин“, рече тој, посочувајќи дека таквата владина политика има своја цена, која отприлика е 7 до 8 милијарди денари помали приходи. Новиот ребаланс на Буџетот беше најавен минатата среда, исто така од премиерот, но тогаш тој рече дека „кусокот“ поради пониските акцизи и ДДВ до кра