Вештачката интелигенција ги менува почетничките позиции — компаниите бараат нов модел за развој на млади кадри
FinPortal.mk · 23.9.2026 г.
Вештачката интелигенција сè подобро ги извршува задачите што досега традиционално им се доверуваа на помладите вработени — истражување, пишување нацрти, кодирање и административна работа. Ова ја зголемува продуктивноста, но експертите предупредуваат дека може да го загрози напредувањето во кариерата и начинот на кој младите работници воопшто ги стекнуваат потребните вештини. Во лондонската рекламна агенција Catalyst, еден помлад вработен сега може да раководи со пет различни клиентски сметки. Претходно биле потребни неколкумина, изјави основачот Тобијас Грин за CNBC. Денес алатките со вештачка интелигенција го вршат истражувањето, го пишуваат првиот нацрт на текстот и ги собираат податоците. „Потоа ви треба некој да дојде и да го поправи тоа“, рече Грин, споредувајќи го моделот со „обратен Mechanical Turk“ — вештачката интелигенција работи во позадина, додека човекот е лицето пред клиентот. Според Грин, ова го менува и погледот кон почетничките улоги. „Ако вештачката интелигенција ја отстрани грубата работа, тогаш таа работа повеќе не е релевантна. Тие не треба да ги учат тие вештини… треба да научат како да управуваат со вештачката интелигенција и да ја користат“, изјави тој за CNBC. Истражувањето на Отворениот универзитет во рамки на извештајот „Бизнис барометар 2026“, кое опфатило 1.500 деловни лидери во Обединетото Кралство, покажува дека 51 отсто од испитаниците рекле дека вештачката интелигенција го менува начинот на вработување. Вкупно 19 отсто навеле дека го намалиле вработувањето на почетни позиции, а 42 отсто од нив како причина ја навеле токму примената на вештачката интелигенција. Луси Бомонт, глобална потпретседателка за производи во компанијата за проценка на таленти SHL од Сари, Англија, изјави за CNBC дека некои големи работодавци вработуваат помалку луѓе додека проценуваат дали воопшто им се потребни тие позиции. „Ако сме имале организација во форма на пирамида, сега гледаме она што го нарекуваме дијамант, со повеќе луѓе на средно ниво“, рече таа, д