Вардар го испушти водството од 2-3 и ремизираше со Башкими во Куманово
FinPortal.mk · 12.9.2026 г.
Македонскиот фудбалски шампион Вардар одигра спектакуларен натпревар против последнопласираниот тим во Првата македонска фудбалска лига, Башкими, но наместо со три бода од Куманово си замина со реми од 3-3. Натпреварот понуди целосен пресврт на гостите во вториот дел, но домашниот тим во самиот финиш успеа да се спаси и да освои голем бод. Башкими одлично го отвори натпреварот и уште во воведните минути двапати се закани преку Рибеиро, но голманот на Вардар, Давор Талески, беше на висина на задачата и ги одбрани ударите. Домашните сепак поведоа во 20. минута. По изведен корнер, Фати Исмаили беше највисок во скокот, го надмудри Најдовски и со удар со глава го совлада Талески за водство од 1-0. Башкими продолжи да притиска, а по уште две одлични интервенции на Талески, домаќините во 27. минута стигнаа и до втор гол. Антонио Силва Рашид искористи украдена топка, излезе сам пред Талески, го заобиколи голманот и погоди во празната мрежа за 2-0. Вардар потоа конечно се разбуди. Шампионот започна да ја презема иницијативата, а резултатот беше намален пред паузата. Давид Бабунски се најде на вистинското место по една одбиена топка во шеснаесетникот и погоди за 2-1, враќајќи ја надежта на својот тим пред вториот дел. Во вториот дел Вардар целосно го презеде натпреварот. Гостинот создаваше шанси и бараше начин да стигне до израмнување, а тогаш на сцена стапи Горан Закариќ. Босанскиот офанзивец направи вистински хаос во одбраната на Башкими и за само две минути постигна два гола. Во 70. минута Закариќ прецизно шутираше со левата нога откосо и донесе 2-2. Само две минути подоцна повторно се запиша во листата на стрелците. Овојпат влезе од спротивната страна и со одличен удар во подалечниот агол го комплетираше пресвртот за водство на Вардар од 2-3. Во тие моменти на трибините дојде до зголемена тензија и беа фрлани предмети кон теренот, но ситуацијата брзо се смири. Се чинеше дека Вардар ќе го однесе целиот плен, но Башкими не се предаде. Во последните минути нововлезениот Хеби