Унијата на жени на ВМРО-ДПМНЕ со нови 59 претседателки на општинските комитети, првпат и во Студеничани, Центар Жупа и Шуто Оризари

Извршниот комитет на Унијата на жени на ВМРО-ДПМНЕ денеска одржа редовна седница на која беа избрани нови 59 претседателки на општинските комитети на оваа партиска организација. Како што беше соопштено по седницата, општински комитети на Унијата на жени за првпат се формирани и во Студеничани, Центар Жупа и Шуто Оризари, што претставува организациско проширување на структурата на жените во партијата.

На седницата се дискутираше за актуелната политичка и економска состојба во земјата, за кадровите решенија, како и за понатамошното организациско и програмско јакнење на Унијата. Извршниот комитет едногласно усвои Декларација за унапредување на активното учество на жените и јакнење на демократската култура во партијата и во општеството. Декларацијата беше промовирана на 14 септември во рамки на настанот посветен на Меѓународниот ден на демократијата, а со неа се потврдува определбата за поголема вклученост на жените во политичките процеси.

Изборот на новите претседателки на општинските комитети беше спроведен по пат на интервјуа, по што Извршниот комитет ги избра следните претседателки: Рената Томеска за Македонски Брод, Вера Велинова за Аеродром, Ленче Николовска за Кисела Вода, Виолета Блажевска за Сопиште, Диана Ристовска Додевски за Центар, Катерина Јакимовска за Карпош, Габриела Тодорчева за Сарај, Доце Павлова за Чаир, Каролина Насковска за Бутел, Маја Мисердовска за Чучер Сандево, Бранкица Дуковски за Ѓорче Петров, Марија Живачки за Куманово, Сузана Димковиќ за Старо Нагоричани, Марија Сотиров Пулковска за Пехчево, Андријана Илиевска Велковски за Делчево, Антигона Постоловска за Македонска Каменица, Елена Павлова за Виница, Снежана Хаџи Паунова за Кочани, Јадранка Симионова за Зрновце, Весна Митевска за Петровец, Светлана Слезенковска за Илинден, Тамара Јованова за Чешиново Облешево, Добрила Черќезова за Штип, Елизабета Стојанова за Карбинци, Фросина Ѓорѓиева за Свети Николе, Александра Наунова за Пробиштип, Емилија Јакимовска Ристовска за Крива Паланка, Биљана Николовска за Ранковце, Снежана Бошевска за Велес, Маријана Трајковска за Чашка, Јулија Тарабунова за Радовиш, Ивана Дујовска Атанасов за Конче, Пале Галева за Струмица, Анита Божинова за Босилово, Елена Шопчева за Богданци, Лилјана Арсова Митрова за Неготино, Марија Катарова за Демир Капија, Ѓурѓица Алексова за Кавадарци, Трајанка Ризова за Росоман, Андријана Челибитова за Прилеп, Светлана Аџиоска за Кривогаштани, Маргарита Груевска за Могила, Наташа Марковска за Битола, Менче Андрева Маркоска за Долнени, Маја Павловска за Ресен, Катерина Стојаноска за Охрид и Билјана Стефаноска за Струга.

Седницата на Извршниот комитет на Унијата на жени на ВМРО-ДПМНЕ се одржа во контекст на заложбите на партиската организација за зајакнување на својата кадровска структура и за поголемо присуство на жените во политичкиот живот. Формирањето на општински комитети во средини како Студеничани, Центар Жупа и Шуто Оризари, каде што вакви тела досега не постоеле, се надоврзува на заложбата за поширока вклученост на жените во политичките процеси, која беше потврдена и со усвоената Декларација.

Со изборот на 59 претседателки, Унијата на жени на ВМРО-ДПМНЕ добива нова мрежа на раководни кадри низ општините во земјата, која според соопштението треба да придонесе за понатамошно организациско јакнење на оваа партиска организација и за нејзино поактивно делување на локално ниво.