30.10.2026 - ТТК Банка АД Скопје - Други ценовно чувствителни информации
Автор: Редакција на FinPortal.mk ·
ТТК Банка АД Скопје, со седиште на улица „Народен Фронт“ бр. 19а во Скопје, објави коментар за остварените финансиски резултати за периодот од 1.1.2026 до 30.9.2026 година, во кој се наведува дека активностите на Банката биле насочени кон остварување на приоритетните цели и задачи дефинирани во Деловната политика и во Финансискиот план за 2026 година. Преку редовното оперативно работење, Банката оствари позитивен нето-оперативен приход пред исправки на вредност во износ од 61,7 милиони денари, како резултат на реализирани оперативни приходи од 428,0 милиони денари и оперативни трошоци од 366,3 милиони денари. Во текот на анализираниот период, издвоени се исправки на вредност на финансиски и на нефинансиски средства во износ од 20,3 милиони денари. Заклучно со 30.9.2026 година, остварен е позитивен финансиски резултат во износ од 41,4 милиони денари. Како активен, стабилен и етаблиран учесник на македонскиот финансиски пазар, ТТК Банка АД Скопје на 26.5.2026 година успешно го финализираше процесот на зголемување на основната главнина преку скрип емисија на нови акции по пат на приватна понуда и го зголеми својот почетен капитал (основна главнина) за износ од 41.918.000 денари. Вкупниот капитал по извршената скрип емисија изнесува 1.075.091 обични акции со номинална вредност од 1.000 денари, односно вкупно 1.075.091.000 денари, со што дополнително се зајакна капиталната позиција на Банката. Од Банката наведуваат дека сето ова ја одразува посветеноста за обезбедување иновативни решенија за своите акционери, за создавање дополнителна вредност за нив и посветеност да им обезбеди нови можности и придобивки од нивните инвестиции во Банката на долг рок. Заклучно со 30.9.2026 година, нема промени во сметководствените политики и во методите на вреднување. Финансиските остварувања на Банката покажуваат следните резултати: Билансната сума на Банката достигна ниво од 13.085 милиони денари, што претставува раст од 7,0 % во споредба со 30.9.2025 година; планот е остварен со 99,0 %