Трифонов: Ние, Бугарите, не предаваме — Ива Михаилова останува во Бугарија и се лекува во „Пирогов
Автор: Редакција на FinPortal.mk ·
Лидерот на бугарската партија „Има таков народ“, Слави Трифонов, јавно изрази сомнеж дека во Бугарија постои владин функционер кој би бил способен да ја предаде Ива Михаилова, откако Северна Македонија издаде меѓународна потерница по неа. Во објава на своите профили на социјалните мрежи, Трифонов порача дека Михаилова ќе остане во Бугарија и ќе се лекува во болницата „Пирогов“, а сите оние што ја бараат можат само да читаат за тоа како таа закрепнува и живее слободно во својата татковина. Трифонов го коментираше издавањето на меѓународната потерница со цел Михаилова да биде вратена во Северна Македонија, уапсена и задржана во притвор најмалку 30 дена. Тој оцени дека е „навистина смешно и патетично“ токму оние луѓе што не ги почитуваат договорите да зборуваат за меѓународното право. Според него, станува збор за истите оние кои ги занемаруваат договорите потпишани со Бугарија, го игнорираат Договорот за пријателство, добрососедство и соработка од 2017 година, го отфрлаат „францускиот предлог“ на Европската Унија и ги кршат своите обврски кон самата Унија. Лидерот на „Има таков народ“ не штедеше остри зборови за оние што, како што рече, ја крадат бугарската историја и целото свое чувство за сопствена вредност го градат врз омразата кон Бугарите. Тој изрази и лична огорченост, велејќи дека искрено му се гади од „патетични и искомплексирани поединци“. Во објавата Трифонов за првпат, како што самиот нагласи, им се обрати директно на Македонците, кои во неговиот текст се наречени Северномакедонци. Тој порача дека неговите зборови допираат до нивните „уши и очи“ и дека тие ќе го слушнат и видат она што го напишал. „Ние сме Бугари! Имаме историја долга над 1.300 години! Отсекогаш сме се нарекувале Бугарија!“, напиша Трифонов, додавајќи дека сите нации знаат дека Бугарите се Бугари, го знаат името на нивната земја и ја знаат нивната историја, бидејќи, како што тврди, станува збор за една од најстарите држави во светот. Тој продолжи со тврдење дека, без оглед на тоа колку тоа