30.10.2026 - Патнички сообраќај - Транскоп АД Битола - Други ценовно чувствителни информации
Автор: Редакција на FinPortal.mk ·
Патнички сообраќај Транскоп АД Битола, согласно член 40 став 4 од Правилата за котација, објави образложение кон постигнатите резултати за периодот од 1 јануари до 30 септември 2026 година. Друштвото информира дека сметководствените политики и методите на вреднување при составувањето на финансиските извештаи се непроменети и се применуваат конзистентно со оние од претходната година. Според неревидираниот биланс на успех, друштвото остварило позитивен финансиски резултат, но со значително намалена добивка во споредба со истиот период лани. Вкупните приходи од работењето изнесуваат 94.170 илјади денари, што е зголемување од 9,13% во споредба со истиот период претходната година. Од вкупните приходи, на основната дејност отпаѓаат 94.068 илјади денари или 99,89%. Оперативните приходи изнесуваат 92.958 илјади денари и бележат зголемување од 9,11%. Финансиските приходи учествуваат со 0,108% во вкупните приходи. Остварената добивка изнесува 629 илјади денари, што е намалување од 90,28% во споредба со истиот период претходната година. Вкупните расходи од работењето изнесуваат 93.541 илјади денари, зголемување од 17,19%. Трошоците за вработените изнесуваат 33.652 илјади денари и имаат најголемо учество во вкупните расходи со 35,98%, бележејќи раст од 19,33%. Финансиските расходи изнесуваат 1.511 илјади денари, намалување од 7,21%. Од друштвото објаснуваат дека намалувањето на добивката најмногу се должи на порастот на цените на нафтата на светските берзи како резултат на геополитичките тензии на Блискиот Исток, намаленото производство на суровата нафта и логистичките прекини при транспортот на истата. Како дополнителен фактор се наведува и зголемувањето на трошоците за плата. Останатите трошоци исто така бележат зголемување во однос на истиот период од претходната година. За предметниот период друштвото нема исплатено дивиденди. Во однос на кредитните задолжувања, друштвото нема значителни промени во задолжувањата кои се поголеми од +/- 30% споредено со последните годишни рев