Тошковски: Заштитата на културното наследство е и безбедносно прашање, потребна е постојана будност и координација
Автор: Редакција на FinPortal.mk ·
Министерот за внатрешни работи Панче Тошковски изјави дека неодамнешните кражби на вредни историски и археолошки предмети од музеи во повеќе европски земји потсетуваат колку е значајна заштитата на културното наследство и колку е важно навременото преземање превентивни мерки. Тој ова го кажа при посетата на Археолошкиот музеј во Скопје, каде што разговараше за можностите за унапредување на институционалната соработка и зајакнување на безбедноста на културните добра. Според Тошковски, Македонија располага со исклучително богато археолошко и културно наследство, кое сведочи за долгата и разновидна историја на овие простори. Тој нагласи дека секој археолошки предмет и секој историски артефакт е дел од колективната меморија и културниот идентитет на земјата, богатство кое имаме обврска да го зачуваме за идните генерации. „Заштитата на ова непроценливо богатство не е само прашање на културата, туку и важно безбедносно прашање. Спречувањето на кражбите, нелегалната трговија со културни добра и другите облици на загрозување на културното наследство бараат постојана будност, превенција и координирано дејствување на надлежните институции“, порача министерот за внатрешни работи. Тошковски истакна дека токму на оваа тема денеска се разговарало при неговата посета на Археолошкиот музеј во Скопје, каде што биле разгледани можностите за унапредување на институционалната соработка и зајакнување на безбедноста на културните добра. Според него, соработката меѓу институциите е клучна за навремено откривање и спречување на обидите за кражби и нелегална трговија со артефакти. Министерот потсети дека неодамнешните случаи на кражби на вредни историски и археолошки предмети од музеи во повеќе европски земји покажуваат дека заштитата на културното наследство бара постојана внимателност и превентивни мерки, а не само реакција откако ќе се случи штетата. Тој оцени дека ваквите инциденти во Европа треба да бидат сериозен сигнал за сите земји, вклучително и за Македонија, која располага со бог