Тошковски најави мобилни камери во полициските возила и контроли на критичните точки низ Македонија
Автор: Редакција на FinPortal.mk ·
Министерството за внатрешни работи планира да постави камери за мерење на брзината во полициските возила, кои ќе можат да детектираат сообраќајни прекршоци и додека возилата се во движење. Ова го најави министерот за внатрешни работи Панче Тошковски, посочувајќи дека паралелно ќе се набавуваат и мобилни камери за критичните сообраќајни точки. Според него, станува збор за проширување на проектот „Безбеден град“, кој досега се потпираше главно на стационарни камери поставени на однапред определени локации. Тошковски објасни дека анализите покажале оти поставувањето камери само на однапред определени локации нема да обезбеди доволно превентивно дејство. Според него, возачите треба да бидат свесни дека можат да бидат откриени при прекршување на сообраќајните правила на која било локација, а не само на местата каде што веќе се поставени камери. Токму затоа, како што наведе министерот, предлогот на експертите е постојните полициски возила да се опремат со камери што ќе можат да ја мерат брзината во движење. Дополнително, во план е набавка на мобилни камери што ќе се поставуваат на таканаречените црни точки, каде што најчесто се случуваат сообраќајни несреќи со загинати и тешко повредени лица. Министерот најави и интензивна работа на утврдување на сите критични сообраќајни точки во Македонија, како во градските средини, така и на магистралните и експресните патишта. Оваа активност, според него, треба да овозможи системски пристап кон местата каде што ризикот од тешки несреќи е најголем. Осврнувајќи се на критиките за проектот „Безбеден град“, Тошковски ги повика граѓаните да имаат предвид дека во изминатите 15 години во сообраќајни несреќи загинале повеќе од 2.000 луѓе. Тој порача дека активностите нема да завршат со поставувањето камери, туку ќе продолжат и во други области поврзани со подобрување на безбедноста во сообраќајот. Според министерот, целта е превентивно дејство и поголема свесност кај возачите, а не само казнување по извршен прекршок. Најавите доаѓаат во моме