Тојнби: Првиот буџет на Бернам треба да ги удри банките — и тоа силно
Автор: Редакција на FinPortal.mk ·
Банкарите едвај почнаа да ги враќаат милијардите што ја чинеа земјата по 2008 година. Со овој премиер, изгледа, наидоа на рамностоен противник. Така ја отвора својата колумна во The Guardian новинарката Поли Тојнби, оценувајќи го првиот буџет на Енди Бернам како можност да се смени курсот кон финансискиот сектор. Според текстот, по години без казни, без извинувања и без враќање на средствата за спасувањето од кризата што самите ја предизвикаа, банките се соочуваат со зголемување на данокот. Намалувањата на банкарската такса и на дополнителниот данок на профит, што ги спроведоа конзервативците, Рејчел Ривс ги оставила на сила. Тоа, според Тојнби, веќе нема да биде така. Профитот на четирите најголеми банки во Обединетото Кралство изнесувал 13 милијарди фунти во првата половина од годината, што е 16 отсто повеќе од лани. Тојнби предупредува дека е потребна цврстина за да се игнорира притисокот од банкарскиот сектор. Извршниот директор на JP Morgan, Џејми Дајмон, изјавил дека секој потег против профитот на банките би можел да го откаже планот за лондонско седиште вредно 3 милијарди фунти — кула во Канари Ворф за повеќе од половина од 23.000 вработени на банката во Обединетото Кралство. Тој слично и се заканил на Ривс, а изградбата ја објавил дури откако таа ги оставила банките на мир во буџетот за 2025 година. Колумната потсетува на 2009 година, кога тогашниот канцелар Алистер Дарлинг воведе данок од 50 отсто на банкарските бонуси над 25.000 фунти. Дајмон тогаш се јавил за да протестира, а во своите мемоари Дарлинг запишал дека „многу, многу лут“ Дајмон се заканил дека JP Morgan може да ги преиспита инвестициите во Обединетото Кралство. Дарлинг не попуштил, а банката сепак ја изградила лондонската канцеларија и продолжила да купува британски државен долг. Данокот на банкарски плати собрал околу 2,3 милијарди фунти за четири месеци, но потоа бил укинат. Официјално, спасувањето на банките ја чинело јавноста 23 милијарди фунти по продажбата на дел од средствата. Но тоа е