Тиквеш исфрлен од Купот на Македонија, Вардар добива службена победа од 3:0
Автор: Редакција на FinPortal.mk ·
Комисијата за натпревари на Фудбалската федерација на Македонија (ФФМ) донесе одлука со која ГФК Тиквеш 1930 АД Кавадарци се елиминира од Куп-натпреварувањето на Македонија за сезоната 2026/27, а осминафиналниот натпревар против ФК Вардар АД Скопје се регистрира со службен резултат од 3:0 во корист на скопскиот клуб. Одлуката е донесена по жалбата на Вардар за неправилен настап на фудбалерот Окере Ебубе Висдом за Тиквеш на тој натпревар. Како што соопшти ФФМ, Комисијата за натпревари на денешниот состанок ја разгледала жалбата на ФК Вардар АД Скопје за неправилен настап на фудбалерот Окере Ебубе Висдом за ГФК Тиквеш 1930 АД Кавадарци на осминафиналниот натпревар од Купот на Македонија за сезоната 2026/27, одигран помеѓу ФК Вардар АД Скопје и ГФК Тиквеш 1930 АД Кавадарци. По разгледувањето, Комисијата ја усвоила жалбата на Вардар. Во образложението на одлуката се наведува дека таа е донесена согласно член 99, став 1, алинеја II и став 4 од Правилникот за натпревари на ФФМ, како и земајќи ги предвид член 8 и член 30, став 2 од Пропозициите за Куп-натпреварувањето на ФФМ за сезоната 2026/27, член 63, став 6 и член 68 од Правилникот за натпревари на ФФМ. Врз основа на тие одредби, ГФК Тиквеш 1930 АД Кавадарци се елиминира од Куп-натпреварувањето на Македонија за сезоната 2026/27, а натпреварот ФК Вардар АД Скопје – ГФК Тиквеш 1930 АД Кавадарци се регистрира со службен резултат од 3:0 за ФК Вардар АД Скопје. Покрај елиминацијата, ГФК Тиквеш 1930 АД Кавадарци, согласно член 41, став 2, алинеја 2, се казнува со автоматска казна од 1.000 евра, во денарска противвредност на денот на уплатата. Комисијата за натпревари на ФФМ во образложението наведе дека работи стриктно согласно правилниците, пропозициите, одлуките и другите акти на ФФМ кои се во сила и ги применува во целост, независно од партиската, верската, етничката или расната припадност. Според соопштението, одлуките се носат исклучиво согласно регулативите на ФФМ, кои се изготвени во согласност со соодветните акти на