TECHMECH 2026 во Скопје: 18 компании бараат млади инженери, саемот продолжува и утре
Автор: Редакција на FinPortal.mk ·
Во Инженерскиот кампус на Универзитетот „Св. Кирил и Методиј“ во Скопје денес официјално беше отворен дводневниот Саем за пракса и вработување TECHMECH 2026, кој ќе продолжи и утре, на 15 октомври 2026 година. Настанот собра 18 компании партнери од различни индустрии кои на студентите и дипломците им нудат практикантски позиции и конкретни можности за вработување, со што се потврдува дека денешните студенти утре ќе бидат градители на технолошката и економската иднина на државата. Саемот го организира Факултетското студентско собрание на Машинскиот факултет во соработка со Машинскиот факултет при УКИМ, Центарот за кариера при УКИМ, ЦИЗИ и ЦИРКО. На отворањето присуствуваа студенти и дипломци од Машинскиот факултет, но и од другите инженерски факултети, кои имаат можност да се запознаат со програми за пракса, проекти наменети за млади инженери и конкретни работни понуди од компаниите партнери. Покрај изложбениот дел, програмата на саемот вклучува и две панел дискусии посветени на актуелни теми од инженерството и индустријата. Денеска се одржа дебатата за улогата на инженерот во ерата на вештачката интелигенција, а утре е предвидена дискусија за зелената индустрија и претприемачките можности за младите. Посетителите, покрај разгледувањето на понудите, учествуваат и во работилници и презентации, а настанот веќе привлече голем број студенти од целиот универзитет. При отворањето на TECHMECH 2026, проф. Радмил Поленаковиќ истакна дека Машинскиот факултет континуирано работи на унапредување на наставата, развивање практични знаења и вештини и создавање услови студентите да бидат подготвени за предизвиците на современата индустрија. Тој нагласи дека за да се постигне тоа, потребна е активна и континуирана соработка со компаниите – преку студентски практики, менторство, заеднички проекти и можности за вработување. „Убеден сум дека TECHMECH 2026 ќе придонесе за создавање нови контакти, конкретни можности и успешни приказни на соработка меѓу студентите, компаниите и Факултетот.