Талески: Ветуваната земјоделска преродба се претвори во пустош, субвенциите за тутунарите намалени од 100 на 80 денари

Македонското земјоделство се наоѓа во катастрофална состојба, а за тоа директна политичка одговорност носи владејачката ВМРО и премиерот Христијан Мицкоски, изјави пратеникот од СДСМ, Миле Талески, на денешната собраниска седница, во образложението на предлог-Законот за финансиска поддршка на земјоделството, што го поднесе пратеничката група на СДСМ и коалицијата.

Талески во своето обраќање потсети дека ВМРО пред изборите ветуваше земјоделска преродба, повисоки субвенции, сигурен пласман и подобар живот за земјоделците, но, како што рече, наместо тоа донесе земјоделски пустош. „Ветувавте земјоделска преродба. А донесовте земјоделски пустош. Ветувавте повисоки субвенции, сигурен пласман и подобар живот на земјоделците“, рече Талески, нагласувајќи дека за ваквата состојба во земјоделството директна одговорност има ВМРО и претседателот на владата Мицкоски, кој, како што посочи, ветуваше повисоки субвенции, сигурен пласман и подобар живот за земјоделците, а ништо не исполни – земјоделството колабира.

Според Талески, последиците од политиките на власта директно ги чувствуваат земјоделците, кои вложуваат време, пари и труд, а на крајот произведуваат со загуби. Тој нагласи дека секојдневно сме сведоци на ниски откупни цени, високи производствени трошоци, неизвесен пласман и доцни исплати. „Земјоделецот вложува месеци труд, троши пари за семе, ѓубрива, нафта, препарати, работна сила, а кога ќе дојде време за продажба сфаќа дека производството и она коешто го произведува е со загуба“, рече пратеникот од СДСМ.

Поради тешката состојба и кризата во која се наоѓаат, како што истакна Талески, земјоделците се принудени да ги напуштаат нивите и да ги уништуваат сопствените насади, што е сериозен сигнал за состојбата во која се наоѓа земјоделството. Тој посебно се осврна на положбата на тутунарите, на кои, како што рече, ВМРО пред избори им ветуваше зголемување на субвенциите и сигурен откуп, а по доаѓањето на власт субвенцијата ја намали од 100 на 80 денари. „Кога бевте опозиција им ветувавте секојдневно дека кога ќе дојдете на власт ќе ја зголемите субвенцијата и дека ќе има сигурен откуп. Кога дојдовте на власт субвенцијата од 100 денари им ја намаливте на 80 денари. Ги излажавте тутунарите, им ветувавте повеќе, но добија уште помалку“, рече Талески.

Пратеникот предупреди и на состојбата со лозарите, кои уништуваат лозови насади затоа што производството не им се исплаќа. Според него, ваквата состојба е резултат на неисполнетите ветувања и на политиките на актуелната власт, кои, како што нагласи, директно ја погодуваат земјоделската производство и егзистенцијата на илјадници семејства кои живеат од земјоделство.

Талески порача дека за ваквата состојба во земјоделството директна одговорност има ВМРО и премиерот Мицкоски, кој ветуваше повисоки субвенции, сигурен пласман и подобар живот за земјоделците, и ништо не исполни, поради што, како што рече, земјоделството колабира. Тој ја повика власта да ја преземе одговорноста и да ги исполни ветувањата дадени пред граѓаните, наместо, како што рече, земјоделците да бидат оставени сами на себе во услови на ниски откупни цени, високи трошоци и неизвесен пласман.

Предлог-Законот за финансиска поддршка на земјоделството, што го поднесе пратеничката група на СДСМ и коалицијата, беше образложен на денешната собраниска седница, а Талески во своето излагање ја истакна потребата од итни мерки за поддршка на земјоделците, кои, како што нагласи, се соочуваат со ниски откупни цени, високи производствени трошоци и неизвесен пласман, а сè повеќе производители се откажуваат од земјоделството.