Судијата Илиоски лично му се извинил на капитенот на Шкендија Арачиново, клубот бара дисциплински мерки
Автор: Редакција на FinPortal.mk ·
Главниот арбитар на натпреварот меѓу Шкендија Арачиново и Струга ТЛ, Влатко Илиоски, лично го контактирал капитенот на Шкендија Арачиново, Бесир Демири, и му се извинил за инцидентот што се случил за време на дуелот. Оваа информација ја соопшти клубот од Арачиново преку официјално соопштение на своите профили на социјалните мрежи, откако претходно јавно реагираа дека судијата со погрдни зборови се обратил кон нивниот капитен. Според првичното соопштение на Шкендија Арачиново, главниот арбитар Влатко Илиоски со погрдни зборови се обратил кон капитенот Бесар Демири, наведувајќи дека судијата го навредил со зборовите „Мајмун неписмен“. Од клубот тогаш побараа реакција од Фудбалската федерација на Македонија, а потоа следеше второ соопштение во кое се потврдува дека судијата лично го контактирал капитенот и му се извинил за инцидентот. Во второто официјално соопштение, клубот ја информира јавноста дека судијата Илиоски лично го контактирал нивниот капитен Бесир Демири и му се извинил за инцидентот што се случил. Од Шкендија Арачиново го оценија овој гест и подготвеноста на судијата да ја признае грешката и да се извини, наведувајќи дека веруваат оти признавањето на грешката е важен чекор кон преиспитување на сопствените постапки и преземање лична одговорност. Сепак, од клубот нагласуваат дека извинувањето не може и не смее да ја замени одговорноста за навредите од расистички карактер. Според нивното соопштение, расизмот и дискриминацијата немаат место во фудбалот, особено кога доаѓаат од лица чија должност е да гарантираат правичност, непристрасност и почитување на правилата на теренот. Затоа, и покрај извинувањето, од Шкендија Арачиново остануваат на ставот дека надлежните фудбалски органи треба да го разгледаат случајот и да преземат соодветни дисциплински мерки. Од клубот јасно порачаа дека не бараат одмазда, туку одговорност, како и дека не бараат привилегии, туку почит и еднаков третман за секој фудбалер. За нив, како што се наведува во соопштението, ова не е само