Спасовски побара одговори за депонијата „Краста“, Хоџа вели дека во тек е избор на изведувач за регионален центар во Свети Николе
Автор: Редакција на FinPortal.mk ·
Проблемот со депонијата „Краста“ во кумановско стигна и до собраниската говорница, откако координаторот на пратеничката група на СДСМ, Оливер Спасовски, побара одговори од министерот за животна средина Мухамед Хоџа за тоа зошто сè уште нема решение за депонијата која постојано гори и чади, со што, како што рече, воздухот е загаден, а здравјето на жителите е загрозено. Спасовски потсети дека во јуни беше најавено оти ќе започне изградба на депонијата, но дека сега сме октомври и нема информации до каде е овој проект. Тој побара конкретни одговори од Министерството за животна средина, меѓу кои дали е завршена постапката за избор на изведувач и, ако е завршена, кој е изведувачот. Според тендерската документација, како што наведе Спасовски, за изградба на новата санитарна депонија со сите придружни елементи треба да бидат потребни околу три години градба. Министерот за животна средина Мухамед Хоџа одговори дека депониите се во надлежност на општините, но дека и покрај тоа неговото министерство работи на долгорочно и системско решение на проблемот со депониите. Тој изјави дека се во тек постапки за избор на компанија која ќе изгради регионален центар за собирање отпад, кој ќе биде лоциран во Свети Николе и ќе се финансира од Европската Унија. Во врска со центарот за собирање отпад и депонијата „Краста“, како што ја именуваа, Хоџа рече дека претставници на Министерството имале средба и со локалните власти и со граѓаните кои протестираа, на која им било објаснето дека се работи на изградба, односно на завршување на постапката за избор на компанија за изградба на регионалниот центар во Свети Николе. Изминатиот период жителите на кумановските села Пчиња, Студена Бара, Вакаф и Винце, кои гравитираат околу депонијата „Краста“, беа револтирани поради загадувањето што го предизвикува оваа депонија, која постојано гори и испушта чад. Токму нивното незадоволство и протестите беа поводот проблемот да се најде и пред пратениците, кои бараа одговори за тоа кој е одговорен и кога коне