СОС Детско село по 25 години работа: поддржани над 6.090 деца и семејства
Автор: Редакција на FinPortal.mk ·
Организацијата СОС Детско село одбележа 25 години постоење и дејствување во Македонија со јубилеен настан во Македонскиот народен театар во Скопје. На свеченоста, организирана под покровителство на претседателката Гордана Сиљановска-Давкова, тимот на организацијата соопшти дека од отворањето до денес е пружена помош за повеќе од 6.090 лица, со посебен фокус на децата без родителска грижа и семејствата во социјален ризик. Податоците објавени на јубилејот покажуваат дека помошта директно стигнала до 6.090 корисници. Како што беше истакнато, дејствувањето на СОС Детско село не опфаќа само сместување во згрижувачки семејства. Програмите со години работат на превенција, со цел децата воопшто да не бидат одвоени од своите биолошки родители. Паралелно се развиваат специјализирани советувалишта за родители, тренинг центри и советодавни тимови за поддршка при осамостојување на младите кои излегуваат од системот на грижа. На настанот се обрати покровителката, претседателката Гордана Сиљановска-Давкова, која посочи на суштината на грижата за најмладите. „Домот не е само куќа ниту покрив над главата, туку место во кое ги учиме лекциите за блискост, припадност и доверба. За многу деца и млади, токму ваков дом беше, е и ќе биде СОС Детско село“, порача Сиљановска-Давкова. Таа нагласи дека секое институционално и општествено вложување во децата претставува директно вложување во иднината на целата заедница. Националната директорка Јулијана Накова Гапо се осврна на човечката димензија на постигнатиот резултат, потсетувајќи дека зад бројката стојат конкретни детски судбини. „Кога велиме дека низ овие 25 години сме поддржале повеќе од 6.090 животи, зборуваме за илјадници надежи, предизвици, успеси и нови почетоци. Зад секоја од тие бројки има нечие име, нечие детство, нечија борба и нечија шанса животот да тргне во поинаква насока. Тоа е вистинското значење на нашата мисија“, истакна Накова Гапо. Јубилејот беше заокружен со порака дека патот кон осамостојување на младите кои излегуваа