Славески: Банкарскиот систем е стабилен, прекуграничните трансфери се вообичаена практика
Автор: Редакција на FinPortal.mk ·
Гувернерот на Народната банка, Трајко Славески, изјави дека домашниот банкарски систем е стабилен и отпорен, а централната банка континуирано ги следи работењето на банките и нивната изложеност на ризици. Изјавата дојде по наводите што се појавија во српската и македонската јавност за наводно изнесување пари од „Алта банка“ од Србија кон Скопје и Москва. Според Славески, Народната банка редовно ја следи ликвидноста на банките, нивната капитална позиција и изложеноста на ризици, и презема соодветни мерки во рамките на своите надлежности секогаш кога е потребно. Тој нагласи дека самиот пренос на пари од една земја во друга не укажува нужно на сомнителна активност. Гувернерот објасни дека прекуграничните финансиски текови се вообичаен дел од економското работење, вклучително плаќања кон странски добавувачи, банкарски трансакции за клиенти и вложувања на домашните и меѓународните пазари. „И нашата земја бележи приливи и одливи на капитал, вклучително и оние што се остваруваат преку портфолио-инвестиции во странство“, наведе Славески. Тој додаде дека Народната банка на Србија веќе се огласила за наводите, поради што македонската централна банка не би коментирала непроверени тврдења за банкарскиот систем на друга држава. Народната банка на Србија, во одговор, соопштила дека трансферите на средства на финансиските институции се одвиваат преку редовните канали на платниот промет, во согласност со важечките прописи и утврдените процедури, и дека врши надзор и контрола врз работењето на сите банки за зачувување на стабилноста на финансискиот систем. Темата доби внимание откако адвокатот Иван Ниниќ изнесе тврдења дека располага со оперативни сознанија за забрзани трансфери на средства од една банка кон сметки и правни лица во Москва и Скопје, почнувајќи од 26 октомври. Ниниќ не ја именуваше банката. Тврдењето дека станува збор за „Алта банка“ го изнесе кандидатката на Студентската листа, Сара ел Сараг, во програмата на Н1. Во Македонија, портпаролката на СДСМ, Богданка Кузеска