Скриена дупка во осигурувањето на домот: над 70 отсто од сопствениците се недоволно покриени
Автор: Редакција на FinPortal.mk ·
Многу сопственици на домови во САД имаат значителна празнина во своето осигурување, а најголемиот дел од нив воопшто не се свесни за тоа, предупредуваат експерти за осигурување. Според анализа на податоците на осигурителната индустрија што ја направил Кенет Клајн, професор по право на Правниот факултет „Калифорнија Вестерн“, повеќе од 70 отсто од осигурените сопственици на домови се недоволно покриени, во просек за околу 20 отсто. Клајн анализирал податоци на Одделот за осигурување на Калифорнија за 74.000 барања поврзани со пожари од 2018 до 2023 година. Резултатите покажале дека проблемот не е ограничен само на Калифорнија. „Овие податоци покажуваат дека постои едвај скриена национална криза на недоволно осигурување“, напишал Клајн во статија објавена годинава во „Луис енд Кларк ло ривју“. Според него, ваквата состојба „постојано и неизбежно им ја одзема на сопствениците на домови секаква можност целосно да го надоместат она што го изгубиле“. Околу 90 отсто од домовите во САД во кои живеат сопствениците се осигурени, но типичната полиса за осигурување на дом поставува финансиски ограничувања на повеќе начини. Ејми Бах, коосновач на групата за заштита на потрошувачи „Јунајтед полисилдерс“, во електронска порака наведува дека осигурителите продолжуваат да исклучуваат сè повеќе работи од покриеноста и да ги ограничуваат сумите за она што сепак го покриваат. Истражување објавено во мај во „Вирџинија ло ривју“ покажува дека значителен дел од Американците не разбираат што точно купуваат поради збунувачкиот јазик во осигурителните договори. Поплавите се посебно чувствителна тема. Типичната полиса за осигурување на дом не покрива штета од поплава, која се дефинира како вода што навлегува во домот од земјата нагоре. За таква штета е потребно посебно осигурување. Според Институтот за осигурителни информации, поплавите се најчестата и најскапата природна катастрофа во САД. Само еден инч вода може да предизвика штета од околу 25.000 долари, а просечната исплата за сите барања