Силјановска-Давкова: Не можам да разговарам за идентитетот и јазикот, тоа се ирационални проблеми
Автор: Редакција на FinPortal.mk ·
Претседателката Гордана Силјановска-Давкова изјави дека Македонија повеќепати покажала политичка волја на патот кон Европската Унија, а сега таква волја треба да покажат и Унијата и соседите. Оваа порака таа ја упати во интервју за „Евроњуз“, во рамките на Самитот за проширување во Брисел, пренесува Скопје1. Според претседателката, пречките во евроинтегративниот процес во голема мера произлегуваат од политичките позиции на соседните држави. Таа нагласи дека дијалогот мора да се води меѓу рамноправни соговорници, оценувајќи дека рационалните проблеми можат да се надминат, но ирационалните не. „Рационалните проблеми можеме да ги надминеме. Но ирационалните проблеми? Како да разговарам за мојот идентитет? За мојот јазик? Извинете, не можам“, рече Силјановска-Давкова во интервјуто. Прашана дали е подготвена да ризикува одложување на пристапувањето во ЕУ поради противењето на уставните измени под сегашните услови, претседателката се наврати на Преспанскиот договор и на промената на името. Според неа, тогаш на граѓаните им било претставувано дека со исполнувањето на тој услов ќе се отвори патот кон членство. Таа потсети дека референдумското прашање се однесувало на членство во ЕУ и НАТО со прифаќање на Преспанскиот договор, а не само на почеток на преговори. „Нè посетија повеќе од 40 претседатели и премиери. Нашиот аеродром стана како франкфуртскиот. Ни велеа дека ова е последниот услов“, истакна претседателката, објаснувајќи зошто македонскиот пат кон ЕУ го споредува со „Чекајќи го Годо“. Во однос на барањето за внесување на Бугарите во Уставот, Силјановска-Давкова нагласи дека не може да ветува исход што зависи од пратениците. „Мојот легитимитет произлегува од граѓаните и им припаѓа ним. Како тогаш можам да ви ветам дека ќе го смениме Уставот?“, праша таа. Претседателката додаде дека не е апсолутен монарх и дека пратениците ги претставуваат граѓаните и самостојно гласаат. Истовремено, оцени дека голем дел од досегашните уставни измени биле наметнати. Зборувајќи за распо