Сиљановска-Давкова на бруцошите на УКИМ: Учете од првиот ден, бранење на принципите и вредностите
FinPortal.mk · 1.10.2026 г.
Претседателката Гордана Сиљановска-Давкова денеска се обрати на свеченоста по повод почетокот на новата академска 2026/2027 година на Универзитетот „Св. Кирил и Методиј“ во Скопје, каде што им порача на бруцошите дека вреди да се студира, предава и живее на УКИМ, како заеднички дом на професорите и на студентите. Таа ги повика студентите да учат уште од првиот академски ден, да развиваат критички ум и да ги бранат принципите и вредностите. Според неа, универзитетот, кој не случајно ужива автономија, треба да воспитува млади луѓе способни самостојно да размислуваат и храбро да им се спротивстават на неправдата, лагата и силата, како што, како што рече, Фокнер ги советуваше студентите. Претседателката изрази длабока убеденост дека вештачката интелигенција треба да му служи на човекот, а не да го замени, при што укажа на вредноста на природната и емоционалната интелигенција. Таа ги охрабри студентите да не бидат енциклопедии што меморираат, туку да го вежбаат умот, развивајќи оригинални идеи, а знаењето да го ставаат во функција на општото добро. Според Сиљановска-Давкова, УКИМ, како најстар и најдобар универзитет во земјата, мора да биде предводник во промените и развојот на општеството, потпирајќи се на својот научен и интелектуален потенцијал, врзан за генерации дипломирани, магистрирани и докторирани студенти. Таа посочи на итноста од посебна грижа и ангажирање на македонскиот научен потенцијал, распослан ширум светот, во трасирањето на патот кон иднината. Претседателката ги охрабри студентите да останат бунтовни со причина, да прашуваат и да оспоруваат, а професорите да не забораваат дека, покрај градењето академски кариери, мора да се посветат на педагошката работа со студентите. Поучена од студентското и професорското искуство на УКИМ, таа им порача дека вреди да се студира, предава и живее на УКИМ, како заеднички дом на професорите и на студентите. На свеченоста свои обраќања имаа и министерката за образование и наука, проф. д-р Весна Јаневска, ректорката на УК