Сиљановска-Давкова: Климатските обврски мора да станат инвестиции, а не само ветувања
Автор: Редакција на FinPortal.mk ·
Претседателката Гордана Сиљановска-Давкова денеска се обрати на настанот „Национален дијалог во пресрет на СОР31“, организиран од УНДП во соработка со Министерството за животна средина и просторно планирање и Министерството за енергетика, рударство и минерални суровини. Настанот се одржа како подготовка за претстојната климатска конференција COP31, која ќе се одржи во Анталија, а на која претседателката ќе ја предводи македонската државна делегација. Во своето обраќање, Сиљановска-Давкова нагласи дека климатските промени не се само прашање на заштита на природата, туку системска криза што ги погодува сите сегменти на општеството и бара итност, одговорност и заедничка акција. Таа порача дека оваа криза не може да се третира како изолиран еколошки проблем, туку како предизвик што допира до економијата, енергетиката, инфраструктурата и секојдневниот живот на граѓаните. Претседателката ја истакна важноста од брзо усвојување на Законот за климатска акција, кој го оцени како еден од најважните документи во реформската агенда поврзана со Европската Унија. Според неа, за овој закон веќе е добиено зелено светло од Европската Комисија во однос на усогласеноста со европското законодавство, што го прави клучен чекор во приближувањето на земјата кон европските стандарди во областа на климатската политика. Во пресрет на COP31 во Анталија, Сиљановска-Давкова порача дека Македонија треба да настапи со јасни национални приоритети, подготвени проекти и конкретно дефинирани потреби за финансирање. Таа нагласи дека Конференцијата е можност не само да ги артикулираме нашите приоритети, туку и да покажеме дека сме подготвени климатските обврски да ги претвориме во конкретни инвестиции и мерливи резултати. Според претседателката, клучно е климатските цели да не останат само на хартија, туку да се претворат во проекти што можат да се финансираат, да се спроведат и да дадат видливи резултати. Таквиот пристап, како што истакна, бара и јасна координација меѓу институциите и подготвеност на др