Шасивари бара средба со Филипче за да се деблокира реформата на Изборниот законик
FinPortal.mk · 30.9.2026 г.
Министерот за правда Јетон Шасивари денеска оствари состанок со членовите на работната група за реформи во изборното законодавство, на кој се разговараше за отворените прашања и за чекорите потребни за деблокирање на процесот и негово враќање во активна институционална динамика. Според соопштението од Министерството за правда, целта на состанокот била преку аргументирана дискусија и конкретни предлози да се постигне напредок во реформата на изборното законодавство, која во изминатиот период беше иницирана како отворен, сериозен и конструктивен дијалог со сите релевантни политички и институционални чинители. Министерот Шасивари најави дека во наредниот период ќе побара средба со пратеникот и претседател на СДСМ, Венко Филипче, на која ќе се разговара за можностите за деблокирање на процесот и за повторно активно учество на СДСМ во работата на работната група. „Сметам дека изборниот процес и реформата на изборното законодавство се прашања за кои е потребен широк политички и институционален консензус. Затоа, во наредниот период ќе побарам средба со претседателот на СДСМ, Венко Филипче, со цел директно да разговараме за отворените прашања и да најдеме начин процесот да продолжи. Очекувам СДСМ да се приклучи на следниот состанок на работната група и да даде свој придонес во реформата“, порача Шасивари. Министерот за правда притоа нагласи дека Изборниот законик не е сопственост на ниту една политичка партија, ниту на власта, ниту на опозицијата, туку претставува закон што ги утврдува демократските правила според кои граѓаните ја остваруваат својата слободно изразена волја. „Затоа, сите политички чинители имаат обврска да разговараат. Можеме да имаме различни политички ставови, но не смееме да дозволиме разликите да бидат пречка за унапредување на изборниот систем“, истакна Шасивари. Според него, целта на целиот процес не е политичко надмудрување, туку институционална одговорност и создавање изборно законодавство што ќе биде стабилно, предвидливо, транспарентно и усогласен