Седум жени убиени годинава, а законските измени за заштита од насилство сè уште чекаат во Собранието
Автор: Редакција на FinPortal.mk ·
Граѓани вчера маршираа низ центарот на Скопје на протестот „Ниту една повеќе!“, организиран по убиството на 17-годишната Билјана Кириќ од Богданци. Фемицидот во Македонија годинава однесе седум животи, а законските измени што треба да ја зајакнат заштитата на жените од август се наоѓаат во собраниска процедура и сè уште не се усвоени. Според она што го соопштија организаторите, жртвата од Богданци претходно пријавувала насилство, а против осомничениот биле изречени мерки за заштита. Токму овој случај, како што беше нагласено, покажува колкав е јазот меѓу пријавувањето на насилството и обезбедувањето вистинска заштита за жените. Маршот започна во паркот „Жена Борец“, продолжи покрај Собранието и Министерството за правда и заврши пред Министерството за образование и наука. Организаторите однапред соопштија дека партиските обележја, знамиња и настапи не се добредојдени, бидејќи станува збор за граѓански протест. Протестот го организираше неформалната иницијатива „Ниту една повеќе!“, составена од активистки и активисти. Иницијативата има четири барања. Првото е целосна и транспарентна истрага за смртта на Билјана и утврдување одговорност за секој пропуст на институциите. Второто е итно усвојување на измените на Законот за спречување и заштита од насилство врз жените и семејно насилство. Третото бара поимот род повторно да се врати во законите, упатствата и програмите од кои бил отстранет. Четвртото е разрешување на сите функционери што го оправдуваат или го нормализираат насилството врз жените. Според организаторите, политичките партии располагаат со институционални механизми што треба да ги искористат за исполнување на овие барања. Тие потсетија дека Македонија беше прва во регионот што го воведе фемицидот како посебно кривично дело, но жените и понатаму ги губат животите и покрај пријавите за насилство и изречените мерки за заштита. Според полицискиот билтен, на 30 септември 21-годишниот В. Г. е осомничен за убиството на 17-годишната Билјана Кириќ од Богданци. Учесниц