СДСМ: Христијан Мицкоски повторно ни се заканува, стравот му влезе во коски
Автор: Редакција на FinPortal.mk ·
Опозициската СДСМ остро реагираше по синоќешниот говор на премиерот Христијан Мицкоски во Брвеница, оценувајќи дека таму не зборувал премиер, туку човек што губи. Во соопштението на партијата се наведува дека паѓа ВМРО, паѓа и тој, бидејќи народот им ја зема довербата. Според СДСМ, паниката има име — Лаура Ковеши и Европското обвинителство, односно истрага што, како што велат, не застанува пред презиме, функција и партиска книшка. Од партијата тврдат дека Мицкоски сам признал оти води војна против СДСМ, но не против криминалот, туку против единствената опозиција што го именува. Во реакцијата се наведува дека таа војна ја води со цела екипа — со Вучиќ, со Орбан, со нивните медиуми, со таканаречените новинари и лажни аналитичари. СДСМ додава дека војната се води и со Русија, со играчи на БИА, со Латас и со Ивона, како и со луѓе без морал. Од опозицијата го споменуваат и она што го нарекуваат сојуз со тендер-патриотите од ЗНАМ, со руската Левица која е анти-ЕУ, анти-НАТО и анти-Америка и која, како што се тврди, не влезе во салата и не гласаше за минимална плата од 600 евра. Во соопштението се споменуваат и Платформата и ЗНАМ 2.0, за кои се вели дека се сателити на далечинско, а не со народ. СДСМ ги нарекува луксуз-патриоти со бугарски пасоши и „институција“ со часовници од 60.000 евра и костим од 10.000 евра, наспроти народот што, како што велат, нема за храна и нема за сметка. Токму затоа, според партијата, таков бил говорот во Брвеница и заканата за втор круг. Во директна порака до премиерот, од СДСМ велат дека тој и целата банда ќе одговараат и дека тој тоа го знае, поради што вреска и поради што му треба алиби, односно сателит наместо глас. Партијата порачува дека заедно со народот ќе ја врати власта во рацете на народот, дека вистината стигнала и дека правдата доаѓа. На крајот од соопштението се наведува дека за Организираната криминална група ВМРО-ОКГ нема втор круг, туку има прв круг — одговорност.