Роналдо си замина, Португалија остана без милиони следбеници и спонзори
FinPortal.mk · 3.10.2026 г.
Заминувањето на Кристијано Роналдо од португалската фудбалска репрезентација предизвика вистински економски земјотрес, откако националниот тим за само неколку часа загуби милиони следбеници на социјалните мрежи, а големи спонзори најавија повлекување од соработката. Како што пренесуваат светските медиуми, само неколку часа по објавувањето на „бегството" на напаѓачот од Мадеира, профилот на португалската репрезентација на Инстаграм се намалил од 25.000.000 на 23.500.000 следбеници, што е пад од 6 отсто или загуба од 1.500.000 луѓе за помалку од 40 часа. Веста дека Роналдо повеќе нема да го носи дресот на Португалија ги разлути навивачите, кои ги преплавија социјалните мрежи со стотици илјади негативни коментари. Според извештаите, збогувањето на европскиот шампион од 2016 година со многу големи спонзори е веќе најавено поради заминувањето на човекот кој во очите на многумина стана поголем од земјата од која доаѓа. Експертот за брендирање Карлос Коелјо смета дека последиците по Португалската фудбалска асоцијација ќе бидат огромни. „Вредноста на Португалската фудбалска асоцијација драстично паѓа, ова е огромен чекор назад. Стотици милиони луѓе низ целиот свет ги следеа само поради Роналдо, целосно рамнодушни кога станува збор за резултатите. Спонзорите кои инвестираа огромни пари за да бидат поврзани со него сега имаат целосно право да ги откажат своите договори поради промена на условите", изјави Коелјо. Селекторот Жорж Жезус беше остро критикуван за начинот на кој им ја соопштил одлуката на Кристијано и на јавноста дека Роналдо не треба да биде на теренот. Како што се наведува, легенда во својата петта деценија не може да се третира како 17-годишно дете. Иако Португалија можеби нема да страда во однос на резултатите, тоа ќе се почувствува во сите други области. Португалците славеа со 4:2 во Копенхаген и практично го обезбедија првото место во четвртата група во А дивизијата од Лигата на нации благодарение на одличната игра. Но, навивачите се разотидоа пред натпреваро