Ристов: Без складишта за енергија, фотоволтаиците ќе го „блокираат“ системот
Автор: Редакција на FinPortal.mk ·
Изградбата на фотоволтаични централи во Македонија доживува вистински бум, но претседателот на Регулаторната комисија за енергетика, Ацо Ристов, предупредува дека идната безбедност на електроенергетскиот систем зависи од вложување во складишта за енергија, и тоа пред сè природни. Според него, без вакви капацитети, хиперпродукцијата од сончевите централи може да го принуди системот да ги гаси постројките, што би значело загуба и за инвеститорите и за целиот систем. Ристов нагласи дека новиот закон за енергетика веќе предвидува обврска за сите нови фотоволтаични централи, која бара 40 отсто од капацитетот да биде наменет за складирање, односно за батериски системи. Сепак, од инженерска гледна точка, тој е категоричен дека приоритет треба да биде природното складиште, а не батериското. „Ни треба природно складиште, не батериско. Најдобар акумулатор е водата – реверзибилни централи што ќе користат шпицовите на ефтина енергија за пумпање вода, па потоа таа вода да се користи кога е најпотребна“, изјави Ристов. Тој објасни дека техничкиот предизвик е значителен, особено затоа што хиперпродукцијата на фотоволтаици преку ден создава вишоци. Ако нема каде тие вишоци да се складираат, системот мора да гаси постројки, што е загуба и за инвеститорите и за системот. Според Ристов, Владата веќе во својата програма има план за градба на вакви системи, кои, како што оцени, многу ќе придонесат за стабилизација на енергетскиот систем. Тој изрази оптимизам дека новите реверзибилни централи, во комбинација со батерии таму каде е нужно, се единствениот пат напред за македонската енергетика во ерата на обновливи извори. Предупредувањето на првиот човек на Регулаторната комисија за енергетика доаѓа во момент кога интересот за инвестирање во соларна енергија расте, а со него и потребата од рамнотежа помеѓу производството и потрошувачката. Реверзибилните хидроцентрали функционираат така што во периоди кога има вишок ефтина енергија, ја користат за пумпање вода во акумулации, а потоа таа вод