07.10.2026 - Реплек АД Скопје - Други ценовно чувствителни информации

Реплек АД Скопје објави податоци за продажбата во сегментот Фармација за периодот од 1 јануари до 30 септември 2026 година, во кои домашниот пазар и сопствените претставништва се издвојуваат како растечки делови од продажбата на компанијата.

Според извештајот, продажбите на домашниот пазар достигнаа 7,2 милиони евра, што претставува раст од 14% во однос на истиот период од 2025 година. Продажбите на пазарите со сопствени претставништва се зголемија за 56% и достигнаа 1,3 милиони евра.

Вкупните продажби во сегментот Фармација изнесуваат 21,9 милиони евра. Растот на домашниот пазар и претставништвата делумно ги ублажува пониските продажби преку партнерската мрежа, каде поместувањето на договорените испораки влијаеше врз деветмесечната реализација.

Перформанс на продажбите Во периодот од 1 јануари до 30 септември 2026 година, Реплек АД оствари вкупни продажби во сегментот Фармација од 21,9 милиони евра. Динамиката значително се разликува по пазарни сегменти, што ја потврдува важноста на географски диверзифицираната структура на приходите.

Домашниот пазар бележи двоцифрен кумулативен раст во секој извештаен период од 2026 година. По повисоките стапки во првото полугодие, деветмесечниот раст изнесува 14%. Продажбите од 7,2 милиони евра претставуваат 33% од вкупните продажби во сегментот Фармација, наспроти 24% во истиот период од претходната година.

Продажбите на пазарите со сопствени претставништва достигнаа 1,3 милиони евра, што бележи раст од 56% споредено со првите девет месеци од 2025 година. Овој сегмент сè уште има помало учество во вкупната продажба, но растот дава дополнителна основа за развој на директното меѓународно присуство, поблиска соработка со локалните пазари и поактивно управување со комерцијалните активности.

Динамика на извозните пазари Вкупниот извоз, вклучително и продажбите на пазарите со сопствени претставништва, изнесува 14,7 милиони евра, наспроти 19,6 милиони евра во истиот период од 2025 година.

Пониската реализација преку партнерската мрежа е поврзана со поместувања на роковите за испорака кај дел од партнерите, под влијание на условите на меѓународните пазари. Договорните обврски остануваат во сила. Во третиот квартал е забележано постепено стабилизирање на динамиката на извозните продажби, а реализацијата на договорените испораки останува приоритет за последниот квартал. Раководството останува претпазливо во очекувањата за темпото на нивната реализација, имајќи ги предвид тековните услови на меѓународните пазари.

Стратешки фокус и понатамошен развој Реплек АД продолжува со реализација на својата стратегија за долгорочен раст, преку развој на портфолиото, проширување на меѓународното присуство и инвестиции во производствените капацитети. Во текот на годината е реализиран првиот извоз на производ на Реплек на британскиот пазар, по регистрацијата завршена во 2025 година. Ова претставува конкретен чекор во проширувањето на присуството на високо регулирани пазари.

Стратешките активности на компанијата остануваат фокусирани на:

проширување на присуството на меѓународните пазари, преку партнерската мрежа и преку сопствените претставништва

развој и лансирање на нови производи и проширување на постојното портфолио

унапредување на производствените капацитети преку изградбата на новиот погон за полуцврсти и течни форми

зајакнување на регулаторното присуство преку нови регистрации на меѓународните пазари

дигитализација и унапредување на деловните процеси за подобро планирање, следење и управување со работењето

Овие активности се насочени кон создавање основа за одржлив раст на продажбите и профитабилноста во среднорочен и долгорочен период. Развојот на сопствените претставништва, новите регистрации и вложувањата во производството ја поддржуваат конкурентската позиција на Реплек на регионалните и меѓународните пазари.

Поглед кон наредниот период Во последниот квартал од годината, фокусот на раководството ќе биде насочен кон реализација на договорените испораки кон партнерските пазари, во согласност со тековните услови кај партнерите, натамошен развој на домашната продажба и понатамошно зајакнување на сопствените претставништва.

Во текот на годината е реализиран првиот извоз на производ на Реплек на британскиот пазар, до крајот на 2026 година се планира лансирање на четири нови производи, а продолжува и инвестицијата во новиот погон за полуцврсти и течни фармацевтски форми.