29.10.2026 - Раде Кончар - Апаратна техника АД Скопје - Други ценовно чувствителни информации

Акционерското друштво Раде Кончар – Апаратна техника од Скопје, со седиште на булевар „Трета македонска бригада“ бб, објави неревидиран и неконсолидиран Биланс на успех за периодот од 1 јануари до 30 септември 2026 година, во согласност со член 40 став 4 од Правилата за котација и Одлуката за измени на Правилата за котација што стапи на сила на 21 август 2018 година.

Според објавените податоци, друштвото во извештајниот период остварило нето добивка од 12.390.073,00 денари. Во истиот период минатата година, од 1 јануари до 30 септември 2025 година, добивката изнесувала 18.333.106,00 денари.

Од друштвото објаснуваат дека остварената добивка е намалена поради тоа што во овој извештаен период не се исплатени сите дивиденди од друштвата во кои акционерското друштво има вложени средства, а се очекува да бидат исплатени. Како причина се наведуваат и отежнатите услови на тргување на Македонската берза во споредба со извештајниот период од претходната година, додека приходите од извршени услуги и наемнини од издавање деловен простор се на ниво на истите од претходната година.

Вкупните приходи во извештајниот период изнесуваат 18.944.467,00 денари, додека вкупните расходи се 5.954.394,00 денари и се намалени за 38 отсто во споредба со истиот период во 2025 година.

Во извештајниот период исплатена е дивиденда на акционерите врз основа на Одлуката за исплата на дивиденда донесена на Собранието на акционери во законски утврдениот рок за исплата на дивиденда за 2025 година. Друштвото во периодот не инвестирало во материјални средства и не користело кредити.

Друштвото има едностепен систем на управување со Одбор на директори во состав од пет члена, од кои еден извршен и четири неизвршни членови. Претежна дејност е 64.210, а компанијата управува со холдинг активности со еден вработен.

Од друштвото наведуваат дека во наредниот период се очекува добивката да се зголеми по основ на финансиски приходи од дивиденда и капитална добивка од пласирани средства во хартии од вредност. Како долгорочна политика на Одборот на директори се наведува одржување на ликвидноста на друштвото, редовно исполнување на сите законски обврски, вклучително исплата на сите потребни давачки кон државата и доверителите, како и редовна исплата на дивиденда на акционерите според остварената добивка.