Производителските цени во Кина растат со најбрзо темпо од 2022 година, инфлацијата кај потрошувачите забавува

Производителските цени во Кина во октомври пораснаа со најбрзо темпо од јуни 2022 година, забрзувајќи трет месец по ред. Индексот на производителски цени (PPI) за октомври изнесува 5,7 отсто, наспроти очекуваните 5,3 отсто според анкетата на економистите на Ројтерс, објави CNBC.

Истовремено, инфлацијата кај потрошувачите во Кина забави на 0,7 отсто во октомври. Тоа е прво забавување по два последователни месеца на раст. Резултатот е под очекувањата на економистите анкетирани од Ројтерс, кои предвидуваа раст од 0,8 отсто, и е понизок од 0,9 отсто забележани во септември.

Кинеската економија неодамна покажа одредени знаци на експанзија. Таа порасна побрзо од очекуваното во третиот квартал, а септември донесе значително подобри резултати од очекуваното во малопродажбата.

Ова е вест во развој, а CNBC најавува дополнителни информации.