Почна гласањето за Superbrands Macedonia 2026/2027: граѓаните избираат омилени брендови во 115 категории

Потрошувачите во Македонија од 18 октомври имаат можност директно да го искажат своето мислење за брендовите што ги користат, откако започна јавното гласање во рамките на новото издание на Superbrands Macedonia 2026/2027. Гласањето ќе трае до 30 октомври и опфаќа 115 различни категории, а учесниците брендовите ги оценуваат со оценки од 1 до 10, според сопственото искуство и перцепција.

За учество во гласањето потребна е регистрација со лична е-мејл адреса, а гласањето е достапно на интернет-страницата на програмата. Како што е наведено, секојдневно избираме производи и услуги на кои им веруваме, се враќаме на брендовите со кои имаме добро искуство и ги препорачуваме оние што ги исполнуваат нашите очекувања — токму овие искуства и перцепции се важен дел од приказната за секој успешен бренд.

По подолга пауза, Superbrands повторно се реализира во Македонија, отворајќи нов циклус на препознавање на брендовите што се издвојуваат на домашниот пазар. Изборот се темели на комбинација од мислењата на потрошувачите и стручна процена од професионалци од областа на маркетингот, брендингот, рекламирањето, дизајнот, односите со јавноста и бизнисот.

Целта на програмата е да се добие поширока слика за брендовите што успеваат да изградат препознатливо име, да ја задржат довербата на потрошувачите и да создаваат вредност во своите категории. Воедно, јавното гласање е можност граѓаните да бидат активен дел од процесот и да придонесат со сопственото мислење за брендовите присутни на македонскиот пазар.

Superbrands е меѓународна програма за препознавање и промовирање на брендовите што се издвојуваат по своите квалитети и позиција на пазарот. Новото издание на Superbrands Macedonia 2026/2027 ќе опфати брендови од различни индустрии и ќе претставува пресек на домашниот бренд-пазар и на односот што компаниите го градат со своите потрошувачи.

Гласањето претставува можност потрошувачите да дадат свој придонес во оценувањето на брендовите во 115 категории, со што директно учествуваат во процесот на избор на оние што ќе бидат препознаени во новото издание на програмата.