Олисе бара откупна клаузула од 200 милиони евра за да го продолжи договорот со Баерн
FinPortal.mk · 30.9.2026 г.
Фудбалерот на Баерн Минхен, Михаел Олисе, е подготвен да потпише нов долгорочен договор со германскиот клуб, но само под еден услов — во него да биде вклучена многу вредна откупна клаузула која би му ја задржала контролата врз неговата кариера. Ова го објавија германските медиуми, пренесувајќи детали за преговорите меѓу клубот и претставниците на францускиот фудбалер. Баерн Минхен има јасна намера да му понуди на Олисе нов, значително подобрен договор со цел да го задржи во клубот до 2032 година, наместо сегашниот договор кој истекува во 2029 година. Според информациите, Олисе во моментов заработува 14 милиони евра годишно, а клубот е подготвен да му понуди повеќе од 24 милиони евра, со што би го изедначил со најплатените ѕвезди во тимот — Хари Кејн и Џамал Мусијал. И покрај финансиски профитабилната понуда, претставниците на францускиот фудбалер сè уште се двоумат. Според германскиот весник „Билд“, Олисе ќе потпише нов договор само доколку тој вклучува клаузула за откуп од близу 200 милиони евра. Со ваквата клаузула, играчот сака да биде сигурен дека самостојно ќе одлучува за својата иднина и дека клубот нема да може да го блокира негов евентуален трансфер. Олисе ја започна сезоната во одлична форма. На седум натпревари за Баерн, тој учествуваше во вкупно 12 гола, што дополнително ја потврдува неговата вредност за тимот. Токму поради тоа клубот инсистира на продолжување на соработката под подобри услови. Членот на Надзорниот одбор на Баерн Минхен, Карл-Хајнц Румениге, изјави дека приоритет на клубот е да го награди фудбалерот со нов договор. „Олисе има договор до 2029 година. Во одреден момент, клубот ќе му достави соодветна понуда. Тој е исклучителен на својата позиција“, рече Румениге, потврдувајќи ја намерата на клубот да го задржи играчот. Инаку, ова лето се шпекулираше дека Олисе би можел да се пресели во Реал Мадрид. Францускиот весник „Лекип“ објави дека 24-годишниот играч разговарал за таа можност со своите соиграчи од француската репрезентација, Килијан Мб