Охрид, Алкалоид и Бутел со предност од првите мечеви влегуваат во реваншите во Европскиот куп
Автор: Редакција на FinPortal.mk ·
Трите македонски ракометни претставници — Охрид, Алкалоид и Бутел Скопје — денеска ги играат реванш натпреварите од второто коло во ЕХФ Европскиот куп, со цел да обезбедат пласман во следната фаза на европската сцена. Секој од нив во вториот дуел влегува со предност или негатива од првиот натпревар, остварена во претходните денови. Актуелниот бранител на трофејот во ова натпреварување, Охрид, по вчерашната убедлива победа со дванаесет голови разлика (36:24) против Спор Тото, денеска повторно ќе игра пред домашната публика во салата „Биљанини извори“ од 18.30 часот. На охриѓани им е потребно само да го потврдат пласманот понатаму, со оглед на големата предност што ја стекнаа во првиот меч. Ракометарите на Алкалоид, пак, гостуваат во Австрија со одлична предност од девет погодоци (31:22) за дуелот со Ферлах. Избраниците на Кирил Лазаров не би требало од готова предност да направат вересија и да ја испуштат убедливата предност. Овој дуел ќе почне во терминот од 19 часот. Најтешка задача денеска ќе има Бутел, кој пред својата публика брка негатива од три гола (24:27) против хрватската Горица. Натпреварот ќе се игра во салата „Расадник“ во терминот од 17 часот, а скопскиот тим ќе мора да надомести три гола заостанување за да обезбеди продолжување на европскиот настап. Сите три македонски клуба имаат јасна цел — пласман во следната фаза на ЕХФ Европскиот куп, а денешните реванши ќе покажат дали предностите од првите мечеви ќе бидат потврдени или ќе бидат загрозени.