Одбраната во случајот „Пулс“ бара увид во листовите од кои читал вештакот
FinPortal.mk · 14.9.2026 г.
Адвокатот Јовица Страшевски денеска го отвори прашањето за начинот на кој вештото лице Викторија Будимовска-Скаричева ги давала своите одговори за време на судењето за пожарот во дискотеката „Пулс“ во Кочани, обвинувајќи дека таа читала од листови со однапред подготвен текст. Според одбраната, тие листови не претставуваат составен дел од наодот и мислењето на вештачењето, поради што адвокатот побарал судот да изврши увид во нив и да ги обезбеди. Како што соопшти Страшевски, обвинителката Наташа Сарамандова се спротивставила на барањето за увид, а судот не го прифатил барањето на одбраната. Адвокатот во соопштението до медиумите истакна дека на рочиштето се отворило сериозно прашање за начинот на кој вештото лице ги давала своите одговори, што според него фрла сомнеж врз целиот процес на вештачење. Со денешното дополнително испрашување на градежните вештаци од страна на Обвинителството заврши доказната постапка на обвинителите во предметот за пожарот во дискотеката „Пулс“ во Кочани. По завршувањето на оваа фаза, судењето продолжува со изнесување на доказите на одбраната, која ја застапува страната на 34 обвинети физички лица и 3 правни лица. За време на денешното рочиште вештаците цитираа законски одредби со кои се допрецизираше каде лежи одговорноста на обвинетите лица од надлежните институции. Според изнесеното во судницата, од 2012 година наваму имало шаренолики пријави за добивање лиценци за работа на објектот „Пулс“, во смисла на исполнување на минимално-техничките услови. Од документацијата, како што беше наведено, се гледа дека биле оставани празни полиња за податоците за тоа во чија сопственост е угостителскиот објект, дали е под закуп, дали има приод до објектот, дали има или нема излези, број на конзумни места, вентилација и други безбедносни аспекти. Вештакот посочи дека бил деклариран простор од 300 метри квадратни за послужување, при што во таа површина не влегувала површината за бина, шанковите и друго. Според вештакот, ова требало да биде доволен сигна