Од предлог-закон за иновации до регионален ефект: како ЕУ сака да ја приближи иновациската агенда до градовите и регионите

Само неколку недели откако Европската комисија го предложи Европскиот закон за иновации, во рамките на Платформата за размена на знаење (КЕР) се одржа семинар на тема „Од закон за иновации до регионален ефект: како да се направи европската иновациска агенда да функционира за градовите и регионите“.

Како што соопштија организаторите, семинарот бил една од првите можности предлогот да биде претставен јавно и неговите импликации да се разговараат директно со креаторите на политиките и со чинителите од европскиот иновациски екосистем.

Дискусијата ја отворил Жан-Давид Мало, вршител на должноста директор за Европскиот истражувачки простор и иновации во Генералниот директорат за истражување и иновации, со главно излагање за предлог-законот. По него, придонеси дале членови на Комитетот на регионите и претставници на иновацискиот екосистем.

како градовите и регионите можат да станат пазари за лансирање иновации;

како јавните набавки можат да помогнат иновативните решенија да преминат од лабораторија на пазар;

како регионалните екосистеми можат подобро да ги поврзат истражувањето, стартапите, компаниите во фаза на раст, инвеститорите и јавните власти.

Според соопштението, размената им дала на националните, регионалните и локалните чинители прва можност да почувствуваат како предлог-законот ќе функционира во практика, додека тој минува низ законодавниот процес. Европската комисија, како што е наведено, ќе продолжи да работи со градовите, регионите и со Комитетот на регионите, за да обезбеди законот да даде конкретен ефект таму каде што живеат и работат иноваторите, бизнисите и граѓаните.

Платформата за размена на знаење е заедничка иницијатива на Генералниот директорат за истражување и иновации и на Европскиот комитет на регионите. Таа поддржува структуриран дијалог меѓу институциите на ЕУ, регионалните и локалните власти и чинителите за политиките за истражување и иновации, со силен фокус врз спроведувањето на терен.

Во соопштението се потсетува и на Европската стратегија за истражувачки и технолошки инфраструктури, која поставува долгорочна визија за изградба на покоординиран и подостапен екосистем низ Европа. Нејзините цели се да ги поврзе инфраструктурите во кохерентна мрежа, да го зајакне регионалното учество и да обезбеди иновациските инвестиции да дадат конкретни економски и општествени придобивки на сите територии.