Од понеделник почнува вакцинацијата против грип, пристигнати првите 30.000 дози
Автор: Редакција на FinPortal.mk ·
Граѓаните во Македонија од понеделник ќе можат да се заштитат од сезонскиот грип, откако во земјава веќе се пристигнати првите 30.000 дози вакцини. Пријавувањето е отворено преку електронскиот систем „Мој термин“, а надлежните уверуваат дека имунизацијата ќе започне без одложување, додека системот се подготвува за закажување на првите термини. Првите 30.000 дози се само првата фаза од планираната набавка за оваа сезона. Втората испорака од 26.000 дози се очекува да пристигне до 15 ноември, а крајната цел е обезбедување на вкупно 80.000 дози вакцини против грип. Од здравствените власти посочуваат дека им било исклучително важно да стигнат првите 30.000 дози за веднаш да се почне со најризичните групи, дека до средината на ноември ги очекуваат следните 26.000 дози и дека во меѓувреме интензивно работат да го обезбедат и остатокот до целната бројка од 80 илјади дози. Иако пријавувањето преку „Мој термин“ е отворено за сите граѓани, заштитата нема да биде достапна по ист редослед за секого. Распределбата на дозите ќе се врши преку Центрите за јавно здравје, а клучниот критериум за доделување термин ќе бидат медицинските дијагнози. Предност при вакцинацијата ќе имаат повозрасните лица над 65 години, хронично болните лица, бремените жени, здравствените работници и децата на возраст од 6 месеци до 5 години. Паралелно со подготовките за сезонскиот грип, здравствениот сектор го решава и прашањето со БСЖ вакцините за новороденчињата, чија примена привремено беше стопирана. Паузата беше направена како мерка на претпазливост, откако Хрватска ги повлече истите серуми поради четири регистрирани случаи на остеомиелитис кај деца. Во земјава наскоро пристигнува нова пратка, откако преку согласност со УНИЦЕФ се обезбедени едногодишни количества од БСЖ вакцината од реномиран јапонски производител. Од министерството најавуваат дека се работи за прашање на денови кога новата пратка ќе пристигне. Пред нас е сезоната на настинки и вируси, а здравствените власти веќе ги преземаат првите че