Обложувалниците предвидуваат: ако демократите го преземат Конгресот, најголемиот „шорт“ е на центри за вештачка интелигенција
FinPortal.mk · 22.9.2026 г.
До среднорочните избори во САД остануваат околу шест недели, а пазарите за обложување веќе даваат јасен сигнал. Според Polymarket, веројатноста демократите да освојат мнозинство и во Претставничкиот дом и во Сенатот изнесува 60 отсто. Ако тоа се случи, најпрофитабилната стратегија за инвеститорите би можела да биде „шорт“ продажба на акции на компании што градат и управуваат со центри за податоци за вештачка интелигенција — односно заработка доколку нивните цени паднат. Центрите за податоци се сметаат за најлесна цел за регулација. Њујоршката гувернерка Кети Хокул воведе едногодишна забрана за изградба на центри за податоци на ниво на сојузната држава, со цел да се добие време за воспоставување регулаторна рамка. Во Конгресот веќе има обиди за донесување закон што ќе го забави нивниот развој, а неодамна беше предложен и предлог-закон со кој би се спречило користење на одредени даночни олеснувања. Двајца демократи од Вирџинија — конгресменот Сухас Субраманијам и сенаторот Марк Ворнер — неодамна спонзорираа закон со кој дополнително би се регулирале центрите за податоци. Вирџинија има најмногу центри за податоци во земјата. Предлогот, меѓу другото, бара сојузните држави да воведат данок за центрите за податоци и за другите големи корисници на енергетската инфраструктура, така што тие практично би ги покривале трошоците за новата инфраструктура потребна за нивно напојување. Најдиректно погодени акции, според изворот, се компаниите чие работење е целосно насочено кон центри за податоци, како CoreWeave и Nebius. Хиперскалерите како Amazon и Alphabet, пак, се на пат во 2025 и 2026 година да инвестираат 1 трилион долари во инфраструктура за вештачка интелигенција, од кои голем дел одат токму за изградба на центри за податоци. Сепак, овие компании имаат и други технолошки бизниси надвор од вештачката интелигенција. Изворот нагласува дека тоа не значи дека центрите за податоци ќе исчезнат ако демократите го освојат Конгресот, но тие најверојатно ќе се соочат со многу повеќе