Ноќеска стрелките на часовниците се враќаат еден час наназад — зимското сметање на времето започнува
Автор: Редакција на FinPortal.mk ·
Ноќта меѓу сабота и недела, на 25 октомври, завршува летното сметање на времето и започнува зимското. Во 3 часот по полноќ стрелките на часовниците ќе се поместат еден час наназад, односно времето повторно ќе биде 2 часот. Со оваа промена граѓаните ќе добијат еден час повеќе за спиење, но во наредниот период ќе се стемнува порано. Најголемиот дел од современите електронски уреди, вклучувајќи ги мобилните телефони и компјутерите, автоматски го приспособуваат времето, додека кај останатите часовници ќе биде потребно рачно поместување. Зимското сметање на времето ќе важи до последниот викенд во март 2027 година, кога повторно ќе започне летното сметање на времето. Прашањето дали часовниците треба да продолжат да се поместуваат двапати годишно со години е предмет на научни истражувања и јавни дискусии. Научници од Универзитетот во Британска Колумбија во Канада анализирале претходни истражувања за влијанието на промената на времето врз здравјето и заклучиле дека трајното зимско, односно стандардно време, би било поповолно за човечкиот организам отколку трајното летно време. Според анализата објавена во научното списание „Canadian Medical Association Journal“, утринската светлина има важна улога во усогласувањето на биолошкиот часовник, кој ги регулира спиењето и будноста. Иако подолгата дневна светлина во вечерните часови им одговара на многумина, подоцнежното изгрејсонце може негативно да влијае врз квалитетот и времетраењето на спиењето, продуктивноста и училишниот успех. Овој проблем би бил особено изразен во зимските месеци, кога учениците и вработените би морале да тргнуваат на училиште и работа додека надвор сè уште е темно, што отвора и прашања за безбедноста во сообраќајот. Некои држави во минатото се обиделе трајно да го задржат летното сметање на времето, но таквите иницијативи наидувале на различни предизвици. Промената на времето останува редовна практика во голем број земји, а граѓаните и оваа година ќе треба да ги приспособат своите часовници, освен оние ур