Над 54 милиони килограми грозје набрани и преработени, откупот се одвива без пречки, вели Серафимовски
FinPortal.mk · 15.9.2026 г.
Откупот на грозјето во Македонија продолжува непречено, откупните пунктови работат со полно капацитет, а лозарите го предаваат својот род, изјави министерот за земјоделство, шумарство и водостопанство, Борче Серафимовски, при денешната посета на неколку откупни места во Кавадарци, каде непосредно се запозна со текот на приемот и преработката на грозјето. Според најновите податоци што ги соопшти министерот, вкупното количество набрано и преработено во домашните винарии и извезено на странските пазари надминува 54 милиони килограми грозје. Министерот Серафимовски информираше дека 14 винарии на 19 откупни места досега откупиле и преработиле над 35 милиони килограми грозје. Од тоа количество, околу 15 милиони килограми се црвени сорти, меѓу кои доминантно е застапен вранецот, додека над 20 милиони килограми се бели сорти. Дополнително, винариите од сопствените лозови насади собрале и преработиле над седум милиони килограми грозје, од кои 3,1 милион килограми се црвено и 3,9 милиони килограми бело грозје. Уште 1,5 милион килограми се откупени и преработени од страна на семејните винарии, со што вкупното количество набрано и преработено во домашните винарии надминува 43,5 милиони килограми. „Значаен дел од овогодишниот род добива пласман и надвор од домашниот пазар. Досега се извезени над 10,5 милиони килограми винско и трпезно грозје. Кога ова количество ќе се додаде на родот преземен и преработен од домашните винарии, вкупно досега од лозовите насади се набрани над 54 милиони килограми грозје“, рече министерот Серафимовски. Тој нагласи дека Државниот инспекторат за земеделство засилено го следи целиот процес и секојдневно врши контроли на 19-те откупни места низ државата, при што се проверуваат мерењето, класификацијата, документацијата, евиденцијата и почитувањето на условите за откуп. „Ги повикувам лозарите секој конкретен проблем веднаш да го пријават до Министерството или до Инспекторатот. Секоја конкретна забелешка од лозарите се проверува и за секоја утврдена непр