МЗТ Скопје Аеродром вечерва пред својата публика бара прва победа во ФИБА Еврокупот против Тарту
Автор: Редакција на FinPortal.mk ·
Кошаркарите на МЗТ Скопје Аеродром вечерва ќе го одиграат вториот натпревар во ФИБА Еврокупот, а македонскиот првак повторно пред своите навивачи има можност да ја забележи првата радост во ова натпреварување. Сино-белите за противник ќе ја имаат естонската екипа Тарту, која исто како и скопјани во првото коло стартуваше со пораз. Аеродромци на отворањето на европската сцена загубија од грчкиот Ираклис, додека Тарту пред своите навивачи беше поразен од Џики Варшава. Тоа значи дека двата тима во вечерашниот дуел влегуваат со идентична цел — да ја запишат првата победа во групната фаза и да го поправат впечатокот од неуспешниот старт. Желбата за прва радост е присутна во таборот на македонскиот првак, но за да се стигне до неа потребно е максимално ангажирање во текот на целиот натпревар. Искусниот кошаркар Војдан Стојаноски смета дека клучот лежи во цврстината и енергијата, особено во одбраната. „Нѐ чека тежок меч. Треба да бидеме цврсти и да влеземе со огромна енергија во одбраната. Доколку сме на нашето ниво низ целиот дуел, очекувам позитивен резултат на крајот. Секако со поддршка од нашите верни навивачи, чија помош ни значи навистина многу“, изјави Војдан Стојаноски пред вечерашниот натпревар. И овој пат од таборот на македонскиот првак организираат забава за своите навивачи пред натпреварот, пред СЦ „Јане Сандански“. Најпрецизните во слободни фрлања ќе имаат можност да добијат вредни награди, што дополнително треба да ја зголеми атмосферата и посетата во салата пред почетокот на дуелот. Натпреварот меѓу МЗТ Скопје Аеродром и Тарту ќе почне во терминот 18.30 часот. Македонскиот првак во првото коло од ФИБА Еврокупот беше поразен од Ираклис, а вечерашната средба со естонскиот претставник е можност за враќање на победничкиот колосек и освојување на првите бодови во европското натпреварување. МЗТ Скопје Аеродром во ФИБА Еврокупот ги доби и противниците за оваа сезона, а клубот има амбиција на секој дуел во сите натпреварувања да оди на победа, како што претходно из