МЗТ Аеродром со пресврт во Гевгелија, Работнички убедлив пред својата публика
Автор: Редакција на FinPortal.mk ·
Второто коло од домашната кошаркарска елита им донесе на навивачите максимална возбуда, одлични индивидуални перформанси и два големи резултатски пресврти. Додека Работнички експресно ја заврши работата на домашен терен, МЗТ Скопје Аеродром и МКК Куманово мораа добро да се испотат во вторите полувремиња за да ги запишат посакуваните победи. Актуелниот шампион МЗТ Скопје Аеродром ја впиша втората победа во новата сезона, откако потешко од очекуваното славеше на незгодното гостување кај Кожув со 73-81. Домаќините во Гевгелија одиграа одлично прво полувреме, носени од Тери Армстронг кој го заврши мечот со 17 поени. Кожув ја доби првата четвртина со 26-18, а на паузата замина со минимална предност од 43-42. Сепак, „штрковите“ го покажаа своето вистинско лице во продолжението. Предводени од извонредниот Андреј Маслинко, кој заврши со 19 поени и 8 скока, и стабилниот Димитрије Николиќ со 19 поени и 6 скока, МЗТ ја презеде контролата во третиот период. Одлична вест за тимот на Васко Атанасов е и враќањето на капитенот Војдан Стојановски по повредата, кој придонесе со 9 поени. За разлика од шампионот, најтрофејниот македонски клуб Работнички немаше никакви проблеми пред своите навивачи и со убедливи 86-70 го совлада составот на Тиквеш Голден Игл, поранешен Фени Индустри. Прашањето на победникот во салата „Градски парк“ беше решено уште во првите 20 минути. Црвено-белите отворија фуриозно со 9-0, а на полувремето веќе имаа огромна предност од 49-26. Најефикасен во доминантната тимска игра беше репрезентативецот Виктор Ефремовски со 21 поен. Вистински блесок имаа центарот Роберт Рикиќ кој запиша моќен дабл-дабл од 14 поени и 13 скока, како и плејмејкерот Дарин Говенс со 12 поени и 11 асистенции. Кај гостите од Кавадарци се истакнаа странските засилувања Тедерик Волф со 20 и Дејвион Сајкс со 18 поени. Повратникот во елитата, екипата на МКК Куманово, стигна до својот прв триумф сезонава совладувајќи го дебитантот ГКК Штип со 70-59, благодарение на фантастичниот пресврт во второ