Мурињо: Она што Артета го изјави по продолжувањето на договорот со Арсенал не е можно во Реал Мадрид
Автор: Редакција на FinPortal.mk ·
Тренерот на Реал Мадрид, Жозе Мурињо, денеска на прес-конференција пред шпанските новинари најпрво застана во одбрана на својата најголема ѕвезда Килијан Мбапе, а потоа направи јасна паралела меѓу амбициите на неговиот клуб и оние на Арсенал, откако дозна дека Микел Артета го продолжил договорот со лондонскиот клуб. Мурињо изрази силна поддршка за Мбапе, кој во претходните денови беше мета на напади од шпанските медиуми, најпрво поради излегување во дискотека, а потоа и поради тоа што возел велосипед додека бил повреден. Тренерот на Реал Мадрид им препорача на новинарите повнимателно да известуваат кога изнесуваат вакви обвинувања, особено поради фактот што, како што рече, Мбапе во неговите очи важи за неверојатен професионалец кој внимава на своето тело. Според изјавите на Мурињо, Мбапе е достапен за игра и се очекува да биде во тимот на Реал Мадрид на натпреварот против Вилјареал. Во низата изјави со кои ја бранеше својата најголема ѕвезда, Мурињо говореше и за амбициите и големите очекувања што ги има во Реал Мадрид, по што направи споредба со ситуацијата во Арсенал. „Видов дека Артета го продолжи договорот со Арсенал и прочитав интересна изјава од неговото прво излагање по потпишаниот договор. Кажа нешто што никогаш нема да се случи во Реал Мадрид, тоа е нешто недозволиво за тука“, изјави Мурињо пред шпанските новинари. Тој појасни на што точно мисли, осврнувајќи се на пораката што Артета ја упатил по продолжувањето на соработката со Арсенал. „Тој кажа дека Арсенал е на самиот старт и дека ова е почеток за нив, иако во клубот е веќе со години. Амбициите и барањата се на друго ниво во Реал Мадрид, тоа е нешто што не се споредува со билој клуб“, додаде Мурињо. Со оваа изјава Мурињо јасно ја истакна разликата во менталитетот и очекувањата меѓу двата клуба. Додека во Арсенал, според зборовите на Артета, проектот сè уште се гледа како почеток и како нешто што допрва треба да се гради, во Реал Мадрид, како што нагласи Мурињо, барањата се поставени на највисоко ниво и