Муцунски: Напредокот на Македонија кон ЕУ треба да се мери според резултатите, а не според историјата
Автор: Редакција на FinPortal.mk ·
Најголемата желба на Македонија е нејзиниот пат кон Европската Унија и полноправното членство да биде заснован врз заслугите, а не оптоварен со историјата или минатото. Ова го порача министерот за надворешни работи и надворешна трговија Тимчо Муцунски на заедничката прес-конференција по Министерскиот состанок за Коридорот 8 во Софија, одговарајќи на новинарски прашања за очекувањата од средбата со неговата бугарска колешка Велислава Петрова Чамова. Муцунски истакна дека Македонија е целосно усогласена со Заедничката надворешна и безбедносна политика на Европската Унија и дека, според досегашното искуство и резултати, се докажала како одличен кандидат за членство. Тој ја парафразираше претседателката на Европската комисија, Урсула фон дер Лајен, која, како што рече, при неодамнешната посета на Скопје ја пофалила работата на земјата во рамките на Реформската агенда, со помош од еврокомесарката за проширување Марта Кос и нејзиниот тим. Министерот нагласи дека Македонија очекува токму нејзините постигнувања и досегашниот резултат да бидат основа за оценувањето кога Европската Унија ќе биде подготвена да донесе одлука за нејзиното членство. Според него, проширувањето отсекогаш било политичка одлука што ја носат земјите-членки со консензус, посочувајќи дека Македонија ќе продолжи одговорно и проактивно да работи на изнаоѓање решенија. „Ние ќе го направиме нашиот дел. Ќе бидеме одговорни, ќе бидеме проактивни во изнаоѓањето решенија за прашањата, но решението никогаш не зависи исклучиво од нашата страна“, рече Муцунски. Тој порача дека Македонија во односите со соседите и со земјите-членки на Европската Унија ќе продолжи да се раководи од добрата волја и почитувањето на меѓународното јавно право. „Во сите наши односи со сите наши соседи и со сите земји членки во Европската Унија, секогаш ќе се однесуваме врз основа на добрата волја и почитувањето на меѓународното јавно право“, истакна Муцунски. Од своја страна, бугарската министерка за надворешни работи Велислава Петрова Ч