МОН наскоро до училиштата со препораки за здрава исхрана на учениците
Автор: Редакција на FinPortal.mk ·
Министерството за образование и наука наскоро до сите училишта во земјата ќе достави препораки за исхраната на учениците, најави денеска од Штип министерката за образование и наука Весна Јаневска. Таа истакна дека Министерството, заедно со УНИЦЕФ, Светска банка и неколку невладини организации со коишто соработува, спровело истражување со цел да утврди како се хранат учениците во Македонија. Според Јаневска, истражувањето покажало неправилности во исхраната на децата, поради што ќе произлезат препораки што училиштата ќе ги добијат за децата здраво да се хранат. „Утврдивме неправилности, па поради тоа ќе произлезат препораки кои училиштата ќе ги добијат за децата здраво да се хранат. Јас разбирам дека дечињата повеќе можеби сакаат чипсови, смоки, бисквити, но еве им препорачувам и од овде на сите присутни дека една круша, едно јаболко, една банана се подеднакво здрава исхрана, но за тоа ќе треба да водат сметка и училиштата и општината за да им овозможат такво нешто“, рече Јаневска. Министерката за образование и наука овие изјави ги даде по повод пуштањето во употреба на реконструираната спортска сала во Основното училиште „Димитар Влахов“ во Штип. Тоа училиште е прво во Општината кое, заедно со родителите, донесе одлука за забрана на мобилни телефони. Прашана за оваа одлука, Јаневска оцени дека многу училишта во Македонија веќе ја забрануваат употребата на телефоните, односно дека во нив телефоните не се употребуваат. „И во многу училишта пред час телефоните се ставаат на страна и тоа сметам дека е во ред, затоа што вниманието на децата треба да биде посветено на учењето, на наставникот, на книгата пред нив. Постои исклучок — ние многу опрема набавивме, и паметни табли, и таблети, и компјутери, и лаптопи, и поставуваме мрежа за безжичен интернет со забрана за недозволени сајтови, но може да има исклучок, каде што во одредени средини децата ќе треба да ги употребат телефоните за да сработат некоја наставна тема. Но, тоа треба да биде строго контролирано од наставникот