ММФ и Светската банка ги подобрија прогнозите за раст на македонската економија
Автор: Редакција на FinPortal.mk ·
Скопје — Меѓународниот монетарен фонд и Светската банка ги зголемија прогнозите за економскиот раст на Македонија за оваа година, што според владејачката партија ВЛЕН е потврда дека економијата се движи во добра насока. Според соопштението на ВЛЕН, ММФ ја подигнал прогнозата од 3,1 на 3,5 проценти, додека Светската банка од 2,9 на 3,2 проценти. „Накратко кажано, двете институции очекуваат нашата економија да оствари подобри резултати од претходно предвидените. Овие процени ни даваат дополнителен поттик за работа, особено во економијата, за чие раководење ја презедовме одговорноста“, порачаа од ВЛЕН. Светската банка, како што се наведува, ги издвојува инвестициите во инфраструктурата како еден од главните двигатели на економскиот раст. Од ВЛЕН оценуваат дека во земјата во моментов има инфраструктурна експанзија и дека автопатот Скопје–Блаце, кој се чека со децении, повеќе не е доведен во прашање. „Како ВЛЕН, на оваа работа ќе ставиме точка. Оваа врска со Косово е од директно значење за граѓаните, трговијата и нашите компании“, се вели во соопштението. На Коридорот 8, кој за ВЛЕН претставува стратешки проект, се реализираат делниците Тетово–Гостивар, Гостивар–Букојчани и Кичево–Охрид. На 12 октомври бил поставен камен-темелникот и за делницата Букојчани–Кичево, која, како што се оценува, ја заокружува важната алка во поврзувањето на Полошкиот регион со Кичево и Охрид, во коридорот што ја поврзува земјата со Албанија и пристаништата на Јадранското Море. Овие проекти, според ВЛЕН, треба да се гледаат како целина бидејќи ги зајакнуваат врските со регионот и отвораат нови можности за економијата. „За еден бизнис, секој час изгубен на пат значи трошок. Побрзиот транспорт ги намалува трошоците, го олеснува снабдувањето и пристапот до нови пазари. Со тоа се создаваат услови компаниите да го прошират производството и да отвораат нови работни места. Затоа, завршувањето на овие патишта останува еден од нашите главни приоритети во Владата“, порачаа од партијата. Покрај инвестици