Милошоски во Тирана: Парламентарната соработка со Полска е важен придонес за евроинтеграциите
FinPortal.mk · 28.9.2026 г.
На Интерпарламентарната конференција на тема „EU Enlargement: A Strategic Agenda for Europe's Future" во Тирана, Албанија, делегацијата на Комисијата за европски прашања на Собранието на Република Северна Македонија оствари билатерална средба со делегација од Комисијата за прашања на Европската Унија при Сејмот на Република Полска. На средбата, потпретседателот на Собранието и претседател на Комисијата за европски прашања, Антонијо Милошоски, разговараше со Јарослав Валенса, шеф на полската парламентарна делегација, и со Томаш Глоговски, член на Комисијата за прашања на Европската Унија при полскиот Сејм. На средбата учествуваа и Даниела Белимова, член на Комисијата за европски прашања, како и амбасадорот на Северна Македонија во Република Албанија, Веле Трпевски. Според соопштението од прес-службата на Собранието, Милошоски истакнал дека парламентарната соработка претставува значаен придонес кон натамошното зајакнување на традиционално добрите и пријателски односи меѓу Северна Македонија и Полска. Милошоски ги запознал полските соговорници со тековните процеси поврзани со евроинтеграциите на земјава, како и со исполнувањето на реформските приоритети во насока на напредокот кон членство во Европската Унија. Во контекст на одличните билатерални односи меѓу двете земји, тој ја нагласил важноста од продолжување на парламентарниот дијалог и размената на искуства, особено во делот на европските интеграции и реформските процеси. Шефот на полската парламентарна делегација, Јарослав Валенса, истакнал дека Република Полска е подготвена и понатаму, како и досега, активно и посветено да соработува со Република Северна Македонија и да ја поддржува во процесот на европска интеграција. Валенса посочил дека е запознаен со предизвиците со кои се соочува земјава на патот кон Европската Унија, вклучително и со прашањата кои им претстојат. Средбата се одржа во рамки на Интерпарламентарната конференција посветена на проширувањето на Европската Унија како стратешка агенда за иднината на